بوگون (شنبه، ۲۶ سنبله) اولکه یشاوچیلریدن قطاری، امریکا تامانیدن افغانستان نینگ سرمایه‌لری موزله‌تیلیشی گه دایر سرک‌لرده توکیلیب ناراضی‌لیک بیلدیردیلر. اعتراضچیلر، امریکا تامانیدن افغانستان مرکزی بانکی نینگ ۹ میلیارد دالری اوشبو مملکت گه قیتیریلیشینی طلب قیلدیلر.
اولر دنیا همجمعیت و بیرلشگن ملت‌لر تشکیلاتیدن، افغانستان نینگ موزله‌تیلگن پوللری آزاد ایتیلیشی اوچون امریکا اوستیگه باسیم کیلتیریشینی طلب قیله‌دیلر. اولر امریکا افغانستان نینگ سرمایه‌لرینی آزاد قیلمه‌گن تقدیرده، عاقبتی یامان بولیشیدن آگاه‌لنتیردیلر.
بیزلرنینگ فیسبوک صحیفه‌میزگه باش اورینگ!
اعتراضچیلردن ببرک نینگ ایتیشیچه: «امریکا اوزی انسان حقلرینی ایاغ آستی قیلیب و افغانستان خلقی نینگ سرمایه‌لرینی قمراوی گه آلگن. بولر اوز سرمایه‌لرینی سوره‌یدیلر؛ بیزنی پولیمیزنی بیرمه گن حالده قتیق قیینچیلیک بیلن روپه‌ره بوله‌دی.»
اعتراضچیلردن باشقه بیری مدثر گه کوره: «افغانستان نینگ حاضر اسلامی امارت اسمیده مستقل بیر حکومتی بار. افغانستان ده مرکزی بانک و باشقه بانک‌لر فعال دیر، دنیا همجمعیت، بیرلشگن ملت‌لر تشکیلاتی و باشقه برچه مملکت‌لردن، افغانستان نینگ سرمایه‌لرینی آزاد قیلیش اوچون امریکا اوستیگه باسیم کیلتیریش‌لرینی ایسته‌یمیز.»
مذکور اعتراضچیلردن قطاری نینگ ایشانچی گه کوره، افغانستان نینگ سرمایه‌لری توسیلیشی باعث، مملکت بویلب ایش‌سیزلیک و قشاق‌لیک کوپه‌یگن.
اعتراضچیلردن بیری میلاد، آدم‌لر نینگ بیر وقت آوقاتینی تیارلشگه کوچ‌لری یوقلیگیدن شکایت قیلیب ایتیشیچه، اولکه یشاوچیلری نینگ اقتصادی کونسه‌یین ضعیف بولماقده دیر.
بیزلرنینگ توییترده هم تعقیب قیلینگ!
اونینگ ایتیشیچه: «آخر بیزهم افغان میز، آدم‌لر آچ قالیب قشاق‌لیک و بیچاره‌لیکده حیات کیچیرماقده، یشاوچیلر نینگ ییگولیک نان‌لری یوق و بیز هم بیکار قالدیک. اقتصادیمیز ضعیف بولگن، دنیا ده هیچ اقتصادیمیز یوق دیر.»
اوشبو ناراضی‌لیک همایش‌لر عین‌حالده اوتکزیلماقده که، امریکا بیر طرح اساسیده افغانستان نینگ ۳.۵ میلیارد دالر سرمایه‌سینی، سویس ده امانی صندیغی گه بیریش گه قرار قیلگن.