پاکستانی رسانه‌لر، بیرلشگن ملت‌لر تشکیلاتی‌ده پاکستان نینگ دایمی نماینده‌سی منیر اکرم‌دن نقل قیلیب گزارش بیریش‌لریچه، مذکور ممکت گه قرشی افغانستان نینگ شکایتی بیرلشگن ملت‌لر تشکیلاتی نینگ خوفسیزلیک کینگشی‌ده رد بولگن.
بیرلشگن ملت‌لر تشکیلاتی‌ده افغانستان دایمی نماینده‌لیگی سرپرستی نصیراحمد فایق، خوست و کنر ولایتی‌لری نینگ قطار بولیم‌لری گه اویوشتیریلگن پاکستان نینگ هوایی هجوملری خصوصیده، بیرلشگن ملت‌لر تشکیلاتی نینگ خوفسیزلیک کینگشی‌ده شکایت درج قیلگن ایدی.
بیزلرنینگ توییترده هم تعقیب قیلینگ!
بیراق پاکستان رادیو‌سی بیر گزارش‌ده یازگن که، اوشبو مملکت نینگ دایمی نماینده‌سی منیر اکرم، بیرلشگن ملت‌لر تشکیلاتی‌ده بیر بیانیه آرقلی ایتگن که: «فایق هیچ کیم نینگ نماینده‌سی ایمس و افغانستان اوچون صحبت قیلیش گه مقامی یوق.»
مذکور گزارش اساسیده، شونینگدیک افغانستان شکایتی قبول بولمه‌گن دیر. بیرلشگن ملت‌لر تشکیلاتی‌ده افغانستان دایمی نماینده‌سی حاضر ایسه سابق حکومت دیپلماتی اختیاریده دیر؛ چونکه اوشبو تشکیلات اسلامی امارت نی حاضرگچه رسمیت گه تانیمه‌گن.
بیزلرنینگ فیسبوک صحیفه‌میزگه باش اورینگ!
مذکور نماینده‌لیک نینگ سرپرستی نصیراحمد فایق، بیرلشگن ملت‌لر تشکیلاتی نینگ خوفسیزلیک کینگشی‌ده پاکستان گه قرشی شکایت ثبت قیلیش جریانی‌ده، افغانستان توپراغی گه پاکستان حربی‌لری نینگ اویوشتیرگن هجوملری نی مملکت حریمی گه نقض دیب و تیزلیککه اوشبو هجوم‌لر نینگ توخته‌تیلیشی و حل قیلینیشی نی سوره‌گن.
مذکور هجوم‌لر حمل آیی نینگ سونگی کون‌لریده کنر نینگ شلتن تومنی و خوست ولایتی نینگ سپیری تومنی نینگ نیچه قیشلاغی گه اویوشتیریلدی و چیگره یقیلنیگیده‌گی یشش اوی‌لر هدف آستیده قرار تاپگن ایدی. گزارشلر اساسیده، مذکور هجوم‌لرده عیاللر و باله‌لر شامل کمیده ۴۷ کیشی هلاک بولگن دیر.
