خلق‌ارا بحران گروهی نینگ ییریک اعضاسی و ناظری اندی وارکنیس نینگ ایتیشیچه، افغانستان آمریکا نینگ ینگی حکومتی گه اونچه‌لیک اونملی بولمه‌سی ممکن.
او رسانه‌لریدن بیری بیلن خاص بیر صحبت اوتکزیب ایتیشیچه، او جوبایدن نینگ ایشداش‌لری و مصلحتچی‌لریدن قطاری بیلن صحبت اوتکزیب بو نتیجه گه ییتیشگن کیم افغانستان آمریکا نینگ ۱۰ اونملی ایشی نینگ آره‌سیده قرار تاپمه‌گن.
اونگه کوره، آمریکا نینگ افغانستان اوچون یاردم‌لری نینگ قویی کیلیشی و افغانستان ده قاله‌دیگن آمریکالیک حربیلرنینگ سانی کمه‌یشی ممکن.
اونینگ کوپه‌یتیریشیچه، آمریکا نینگ ینگی جمهوررئیسی افغانستان گه تیگیشلی موضوعلرگه آمریکا نینگ حاضرگی سیاستیدن قولله‌نیشی ممکن.
بیراق سیاسی ایش بیلرمان‌لردن قطاری نینگ ایشانچ‌لریگه کوره، آمریکا نینگ تشقی سیاستی ده افغانستان نینگ اونملی ییری بار.
سیاسی ایش بیلرمان‌لردن بیری یونس فکور نینگ ایتیشیچه، آمریکا و ناتو هردایم افغانستان دن حمایت قیله‌دی.
سیاسی ایش بیلرمان‌لردن باشقه بیری محب‌الله شریف نینگ ایتیشیچه، افغانستان نینگ تینچلیک موضوعی بایدن نینگ اساسی ایش‌لریدن بیری بولیشی ممکن.
خلق‌ارا بحران گروهی نینگ ییریک اعضاسی افغانستان توغریسیده بونده‌ی بیانات بیرگن بیرحالده، قطر ده افغانستان و طالبان گروهی هیأت‌لری آره‌سیده تینچلیک سوزلشوولری باشلنیشی بیلن اوروش شدت‌لنگن.