امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، بدخشان ولایتی نینگ شهربزرگ، یاوان، اشکاشم، بهارک و خواهان تومن‌لریده جایلشگن امنیتی کوچلر مذکور تومن‌لرنی ترک قیلیب تاجیکستان‌گه اوتگنلر.
منبع نینگ ایتیشیچه، مذکور منطقه‌لرده جایلشگن امنیتی کوچلرنینگ پوسته‌لری طالبان تصرفی‌گه اوتگن. منبع نینگ کوپه‌یتیریشیچه، چیگره کوچلریدن کمیده ۳۰۰ ته‌سی یوزلرچه مردمی کوچ بیلن حاضرده چیگره او تامانی‌گه تاجیکستان توپراغی‌گه جایلشگنلر و حیات کیچیریش‌لری اوچون تاجیکستان حکومتی تامانیدن آذیق-آوقات و ابتدایی امکانیت‌لر یره‌تیلگن.
سلام‌وطندار اوزبیک بولیمی‌نی فیسبوک‌ده تعقیب قیلینگ
منبع گه کوره، مذکور کوچلرنی تیزلیککه تاجیکستان باشکنتی دوشنبه گه انتقال بیریلیب و او ییردن کابل گه انتقال بیریلیشی ممکن.
عین‌حالده، بدخشان ولایتی کینگش عضوی عبدالله ناجی نظری نینگ ایتیشیچه، اوشبو ولایت نینگ بهارک، اشکاشم، شهر بزرگ، یاوان و خواهان تومن‌لریده جایلشگن چیگره کوچلر تاجیکستان‌گه بارگنلر. جناب نظری نینگ کوپه‌یتیریشیچه، مردمی کوچلردن هم بیرقطاری تاجیکستان‌گه بارگنلر، لیکن اولرنینگ ارقامی خصوصیده بیللی معلومات قولگه یوق.
- بدخشانده اوتگن بیر کیچه و کوندوز ده ۶ تومن طالبان قولی‌گه سقوط قیلگن
- قندوز ولایتیدن آواره بولگن ۲۰۰ عایله بدخشان ولایتیگه جایلشگنلر
- بدخشان مرکزیده طالبان هجومی باعث، امنیتی کوچلردن ۱۰ ته‌سی هلاک ایتیلگن
بدخشان ولایتی کینگش اوشبو عضوی نینگ امنیتی وضعیت یمان‌لیگیدن خواطر بیلدیریب ایتیشیچه، سونگی ایکی کون جریانیده بدخشان تومن‌لریدن کوپ‌قطاری طالبان قولی‌گه سقوط قیلگن.
بوتوغریده بدخشان محلی مسوول‌لری و ۲۱۷ پامیر قول اردو قومندانلیگی فکرینی آلیش اوچون سعی و حرکت قیلدیک، لیکن موفق بولمه‌دیک.
سلام‌وطندار اوزبیک بولیمی‌نی فیسبوک‌ده تعقیب قیلینگ
شونینگدیک، بوگون “دوشنبه” تاجیکستان (خاور) کونده‌لیگی نینگ اوشبو مملکت رسمی‌لریدن نقل قیلیب ایتیشیچه، بدخشان ولایتی نینگ خواهان، شکی، نسی، مایمی، شغنان و اشکاشم تومن‌لریده طالبان هجومی سبب، افغانستان امنیتی کوچلریدن ۱ مینگ و ۳۷ ته‌سی اوشبو مملکت‌گه کیلگنلر.
ایتیلیشیچه، اوتگن هفته قندوز نینگ شیرخان بندر طالبان نظارتی‌گه اوتگنی سبب، امنیتی کوچلردن کمیده ۱۰۰ ته‌سی تاجیکستان‌گه اوتگن ایدیلر و تاجیکستان دولتی اوشبو کوچلرنی دوشنبه دن کابل‌گه انتقال بیرگن.
