اسلام امیرلیگی، افغانستانده انسان حقلری اینیقسه خاتین-قیزلر حقوقی گه دایر بیرلشگن ملتلر تشکیلاتی انسان حقلری کینگشی نینگ ۵۰-ییغیلیشیده‌گی بیانات‌لر و خواطرلرنی، بیر تامانلمه و قبول قیلمسلیگینی اېتگن.
اسلام امیرلیگی سۉزلاوچیسی نینگ اورین باسری حمدالله فطرت گه کوره، افغانستانده انسان حقلری و خاتین-قیزلر نینگ حقوقی گه دایر بیرلشگن ملتلر تشکیلاتی انسان حقلری ییغیلیشده‌گی بیانات‌لر بیر تامانلمه و سرپرست حکومت تامانیدن قبول قیلینمه‌یدی.
فطرت نینگ کوپه‌یتیریشیچه، افغانستان وضعیتی گه دایر اۉتکزیله‌دیگن ییغیلیش‌لرده، اسلام امیرلیگی وکیلی چقیریلیشی کېره‌ک. «بو ییغیلیشده اسلام امیرلیگی وکیلی چقیریلمه‌گن و بو ییغیلیش بیر تامانلمه دیر و اوشبو ییغیلیشده بیان بولگن سۉزلر هم بیر تامانلمه دیر و بیز اونی قبول قیلمه‌یمیز، افغانستان حقیده آلینه‌دیگن بوتون ییغیلیش‌لرده اسلام امیرلیگی وکیلی چقیریلیشی لازم.»
بیزلرنینگ فیسبوک صحیفه‌میزگه باش اورینگ!
بیرلشگن ملتلر تشکیلاتی انسان حقلری کینگشی نینگ ۵۰-ییغیلیشی ۱۹-سنبله، دوشنبه کونی افغانستان شامل بیرقطار مملکت‌لرده انسان حقلری احوالینی تېکشیریش مقصدی بیلن ژنیف ده یولگه قوییلگن.
بو ییغیلیشده، بیرلشگن ملتلر تشکیلاتی نینگ عالی کمیساری، افغانستان نینگ منحل بولگن انسان حقلری کمیسیون سابق باشلیغی، بریتانیا و جرمنی وکیللری، بیرلشگن ملتلر تشکیلاتی نینگ انسان حقلری مخصوص گزارش‌گری، اندونیزیا و باشقه بیرقطار مملکت‌لر نینگ وکیللری انسان حقلری اینیقسه افغانستانده خاتین-قیزلر حقوقی دن خواطر بیلدیریب، اسلام امیرلیگی دنیا هم‌جمعیت و بیرلشگن ملتلر تشکیلاتی تامانیدن جواب‌گرلیکّه تارتیلییشنی سۉره‌گنلر.
اوشبو ییغیلیشده اندونیزیا وکیلی، افغانستانده انسان حقلری احوالیدن تنقید قیلیب و افغانستان خلقی دن اۉز حمایتینی بیلدیرگن. «اندونیزیا افغانستانده انسان حقلری احوالی اینیقسه خاتین-قیزلر نینگ ایش و اوقیش حقی یامانلنگنیدن خواطر ده دیر. بو احوال افغانستان نی کېله‌جگیدن محروم قیله‌دی.»
بیزلرنینگ «ایکس» ترماغی ده هم تعقیب قیلینگ!
خلق‌ارا ایش بیلرمانلر، افغانستان وضعیتی گه دایر بیرلشگن ملتلر تشکیلاتی نینگ ییغیلیش‌لرینی نمایشی دیب، بو کبی ییغیلیش‌لر ایجابی نتیجه بیریشی اوچون بیرلشگن ملتلر تشکیلاتی اسلام امیرلیگی بیلن قۉشمه همکارلیک قیلیشی کېره‌ک دیېدیلر.
خلق‌ارا مناسبت‌لر بیلرمانی عنایت‌الله همام نینگ سلام‌وطندار گه ایتیشیچه: «بو کینگش حاضر ایشانچینی قولدن بیرماقده و تنقیدلری هم تأثیر قیلمه‌یدی، مثال اوچون غزه ده انسان حقلری و خاتین-قیزلر حقوقی رعایت بوله‌‌یپتیمی؟ بو سۉزلر و خواطرلر خاتین-قیزلر نینگ احوالینی اۉزگرتیرمه‌یدی و عملی هم بولمه‌یدی، تنقید بیلن قیینچیلیک نی حل قیلیب بولمه‌یدی، هماهنگ بولیش‌لری لازم.»
بوندن آلدین، اسلام امیرلیگی غرب مملکت‌لری نینگ افغانستانده‌گی خاتین-قیزلر نینگ اوقیش و ایشی تقیق‌لنیشی گه دایر تنقیدلرینی، افغانستان نینگ ایچکی ایشلری گه اره‌لشوو دیگن.