سرپرست حکومت تشقی ایشلر وزیرلیگی، اروپا بیرقطار مملکت‌لریده اسلام امیرلیگی نینگ اویغون‌سیزلیگی بیلن ایش آلیب باره‌یاتگن افغانستان دیپلماتیک نمایندهلیکلری نینگ قنسولی خذمت‌لرینی اعتبارسیز اعلام قیلگن.
اوشبو وزیرلیک بوگون (۹-اسد، سه‌شنبه) ایکس صحیفه‌سیده بیر بیانیه ترقه‌تیب، اروپا مملکت‌لریده‌گی افغانستان نینگ دیپلماتیک نماینده‌لیک‌لریدن اولکه فقرالری گه قنسولی خذمت کورسه‌تیش اوچون بو وزیرلیک بیلن همکارلیک قیلیش‌لرینی سۉره‌گن؛ بیراق اولر بولر نینگ اېسته‌گینی انابت گه آلمه‌گنلرینی معلوم قیلگن.
بیزلرنینگ فیسبوک صحیفه‌میزگه باش اورینگ!
بیانیه نینگ بیر بولیمیده کېلیشیچه: «بوندن سۉنگ لندن، بلژیک، برلین، سویس، اتریش، فرانسه، ایتالیا، پولند، سویدن، ناروی، کانادا و آسترالیا ده وثیقه، تصدیق، عدم مسئولیت ورقی، پاسپورت بیریش، پاسپورت مدتینی اۉزه‌یتیریش، ویزه و باشقه ایشلر کبی قنسولی خذمت‌لر کابل و باغلیق اداره‌لر تامانیدن قبول قیلینمه‌یدی.»
اسلام امیرلیگی تشقی ایشلر وزیرلیگی، بو نمایندهلیکلر تامانیدن صادر بوله‌دیگن مدرک‌لر اوچون جوابگر اېمس‌لیگینی بیلدیرگن.
بیانیه ده مذکور ۱۳مملکت ده افغانستان فقرالریدن، قنسولی خذمت اوچون باشقه مملکت‌لرده اسلام امیرلیگی نینگ دیپلماتیک نمایندهلیکلری گه مراجعت قیلیشی سۉره‌لگن.
بیزلرنینگ «ایکس» ترماغی ده هم تعقیب قیلینگ!
سۉنگی اوچ ییلده منطقه ده‌گی مملکت‌لرده افغانستان نینگ کوپینچه سیاسی نمایندهلیکلری اسلام امیرلیگی گه تاپشیریلگن؛ بیراق هالند و اسپانیا ده افغانستان نینگ ایلچی‌خانه‌لری اروپا ده قنسولی خذمت‌لرده اسلام امیرلیگی بیلن همکارلیک قیلیب کېله‌یاتگن یالغیز دیپلماتیک نمایندهلیکلر دیر.
