هییت عرفه‌سیده افغانستانده عیاللر ایرکک‌لر نینگ یاردمی‌سیز یشش اوی‌لرنی تازه‌لش، کییم-کیچک یوویش، قوروق و تازه میوه تیارلش و اۉزلری همده باله‌لری اوچون ینگی کییم تیارلش بیلن هییت نی کوتیب آله‌دیلر. سلام‌وطندار بیلن صحبت اۉتکزگن بیرقطار عیاللر اوی ایشلریده ایرکک‌لر نینگ همکارلیک قیلمسلیگیدن نالیب ایتیشلریچه، ایرکک‌لر نینگ یاردمی‌سیز هییت اوچون تیارگرلیک کورگنلر.
بو گزارش ده ۲۶ عیال بیلن صحبت اۉتکزیلگن اولر نینگ ۱۹ نفری مناسبتی و باشقه کون‌لرده اوی ایشلریده ایرکک‌لر نینگ همکارلیک قیلمسلیگینی اېتگن، اولر گه کوره، ایرکک‌لر نینگ همکارلیک قیلمسلیگی باعث کوپ باسیمنی تحمل قیلیب و اولر گه کم‌سیتیلیش حسی تاپیلگن.
سرپل یشاوچیسی ملالی تورموش قورگنیدن تورت ییل اۉتماقده، ایری اوی ایشلریده او بیلن همکارلیک قیلمسلیگینی اېته‌دی. اونینگ کوپه‌یتیریشیچه: «نه فقط هییت یقینیده بلکه باشقه وقت‌لرده هم همکارلیک قیلمه‌یدی؛ اېریم پیت‌لر اۉزیم کییم-کیچیک یوویش بیلن مصروف بولیب و باله‌م ییغله‌گن بولسه ده هم همکارلیک قیلمه‌یدی، شو مسئله‌دن راحت‌سیز بولیب و او اوچون مهم بولسم حتمن یاردم بیره‌دی دیب اویله‌ی من.»
جوزجان یشاوچیسی شگوفه گه کوره، ایرکک‌لری عادت طفیلی اوی ایشلریده او بیلن همکارلیک قیلمه‌یدی. اونینگ ایتیشیچه: «ایرکک‌لریمیز جوده هم نازدانه دیر؛ اوی نینگ هېچ بیر ایشیده قول اورمه‌یدی؛ کاش همکارلیک قیلسه و بیزنی ایشیمیز بیر آز اېنگیلله‌یدی؛ اوی‌میز گه مهمان کوپ کېله‌دی و اۉزیم برچه ایشلرنی قیلیش گه مجبور من.»
فاریاب یشاوچیسی یلدا، ایرکک‌لری جمعیتده‌گی حاکم عنعنه باعث اوی ایشلریده عیاللر بیلن همکارلیک قیلمسلیگینی معلوم قیله‌دی. اونگه کوره: «ایرکک‌لریمیز اوی ایشلریده بیز بیلن همکارلیک قیلمه‌یدی؛ اولر بیز ایرکک‌میز و سیزلرنی نفقه‌لرینگیزنی تیارلش گه مسئول‌میز و اوی ایشلری عیاللرگه عاید دیب اېتیشه‌دی؛ بو عادت ایسکی دن قالگن.»
بیزلرنینگ فیسبوک صحیفه‌میزگه باش اورینگ!
گزارش ده صحبت اۉتکزیلگن عیاللر نینگ ایتیشلریچه، اوی ایشلریده ایرکک‌لر همکارلیک قیلمسلیگی اولر اوچون قبول قیلینمس دیر.
کابل یشاوچیسی خالده گه کوره: «اولر نینگ یاردم بیرمسلیگی آدم گه یامان تویغو تاپیلیشی گه سبب بوله‌دی؛ کم‌سیتیلیش تویغوسی تاپیله‌دی؛ عیال‌سیزلر و اوی ایشلری سیزلر گه عاید دیسه‌لر یوره‌گیمیز سینه‌دی.»
فراه ولایتی یشاوچیسی نبیلا نینگ ایتیشیچه: «یخشی تویغومیز یوق؛ اوی ده بیر اضافه اعضامیز و هېچ ارزشی‌میز یوق‌لیگینی حس قیله‌میز.»
اوشبو گزارش ده صحبت اۉتکزگن بیرقطار عیاللر، تورموش اورتاق‌لری نه فقط او ایشلریده اولر بیلن همکارلیک قیلمه‌یدی، بلکه اولر بیلن زوره‌وانلیک طرزده یانده‌شیش‌لرینی اېته‌دیلر.
بیزلرنینگ «ایکس» ترماغی ده هم تعقیب قیلینگ!
ننگرهار یشاوچیسی حبیبه گه کوره، ایری نینگ لفظی زوره‌وانلیک‌لری طفیلی روحی قیینچیلیکّه چلینیشی گه سبب بولگن. اونینگ ایتیشیچه: «ایریم اوی ایشلریده هېچ همکارلیک قیلمه‌یدی و هردایم جنجللشه‌دی؛ کوپ تشویش قیلگنیم اوچون روحی قیینچیلیکّه چلینگن من.»
جوزجان یشاوچیسی سمیرا، ایری نینگ یامان یانده‌شووینی قبول قیله آلمسلیگینی بیلدیره‌دی. اونینگ کوپه‌یتیریشیچه: «یامان تویغوم بار و امیدسیز بوله‌من؛ چونکه هردایم بوتون نرسه نی اوی ده ایرکک‌لر اوچون تیارله‌ی من؛ بیراق اولر عکسینچه اېنگ آز نرسه دن فایده‌لنه آلمسه جنجل قیلیشگه باشله‌یدیلر.»
بو گزارش ده صحبت اۉتکزگن ییتّی عیال، اوی ایشلریده ایرکک‌لری همکارلیک قیلیشیدن خورسندلیک بیلدیریب، اولر نینگ بو همکارلیگی اوی ایشلری باسیمی کمه‌یشی گه سبب بولگنینی اېته‌دیلر.
جوزجان یشاوچیسی فریبا گه کوره، ایرکک‌لری اوی ایشلری اینیقسه مراسم‌لرده اولر بیلن همکارلیک قیله‌دیلر.
اونینگ کوپه‌یتیریشیچه: «هییت بیرمی گه تیارگرلیک کوریش اوچون آته‌م و ایناغه‌لریم همکارلیک قیلدیلر؛ اۉتمیشده بونده‌ی اېمس اېدی برچه ایشلرنی مین و آنه‌م یالغیزلیکده قیلردیک؛ بیراق حاضر احوال اۉزگرگن آته‌م و ایناغه‌لریم حرمت و شفقت‌لیک بیلن یاردم بیره‌دیلر.»
کابل یشاوچیسی رقیه گه کوره: «ایرکک‌لریمیز هر ساحه ده بیز بیلن همکارلیک قیله‌دیلر؛ هییت کون‌لری، کونده‌لیک ایشلر یا که ایشیمیز کوپ بولگن پیت‌لری، مثال اوچون آشپزلیک و اوی‌نی تازه‌لشده.»
دین عالملریدن بیرقطاری، ایرکک‌لر نینگ عیاللر بیلن همکارلیک قیلیشینی نبوی سنت اته‌ب، ایرکک‌لر اوی ایشلریده عیاللر بیلن همکارلیک قیلیش‌لری کېره‌ک دیېدیلر.
دین عالمی بشیراحمد حنفی نینگ ایتیشیچه: «اسلام ده اوی ایشلری عیاللر و ایرکک‌لر اۉرته‌سیده مشترک دیر. اسلام پیغمبری عیاللری بیلن همکارلیک قیلر اېدی و ایرکک‌لر اوی ایشلری اینیقسه هییت کون‌لریده عیاللر بیلن همکارلیک قیلیشی کېره‌ک.»
عیال حقوقی فعالی ثریا پیکان، جامعه مردسالارلیگی و حاکم عنعنه‌لر باعث، ایرکک‌لر اوی ایشلریده عیاللر بیلن همکارلیک قیلمسلیگی گه سبب بولگنینی اېته‌دی.
اونینگ کوپه‌یتیریشیچه: «افغانستان جمعیتی مردسالار دیر و ایرکک‌لر هردایم عیاللر دن اوی ایشلری بیلن مصروف بولیشلرینی اېسته‌یدیلر و هییت کون‌لریده برچه ایشلرنی عیاللر بجره‌دی و ایرکک‌لر حصه قۉشمه‌یدی.»
افغانستان جمعیتی نینگ سنتی توزیلمه‌سی و عایله‌لرده حاکم ناقولی اعتقادلر باعث ایرکک‌لر اوی ایشلری عیاللر گه عاید دیب و بوتوغریده اولر بیلن همکارلیک قیلمه‌یدیلر؛ ایرکک‌لر نینگ عیاللر گه نسبتن بو حرکتی اولر نینگ ناراضی‌لیگیگه سبب بولگن.
