کاپیسا ولایتی نجراب تومنی محلی مسئوللری نینگ ایتیشلریچه، اوشبو تومنده جایلشگن بیر ایکینزارده کوچت بولینیشی خصوصیده ایکی ایناغه آرهسیده یوز بیرگن جنجل سبب، اوچ ایرکک اولیب و یرهلنگن.
نجراب ولسوالی عطاءالله نعمت نینگ سلاموطندار گه ایتیشیچه، مذکور جنجللر دوشنبه کونی ایرتنگ چاغی ساعت ۸:۳۰ اطرافیده، اوشبو تومن نینگ «یاسینزایی» اسملی منطقهسیده یوز بیرگن که نتیجهده، عطاءالله اسملی ۵۰ یاشر بیر ایرکک ایناغهسی تامانیدن اوققه توتیلیب هلاک بولگن و باشقه بیر ایناغهسی بیلن بیر اوغلی یرهلنگن.
بیزلرنینگ توییترده هم تعقیب قیلینگ!
نجراب ولسوالی نینگ اورغولشیچه، اوشبو واقعهده جنجل قیلگن ایناغهلر آرهسیدن، بیر ایناغهسی بیلن ایکی اوغلی قولگه آلینگن و باشقه ایکی ایناغهسی ایسه قاچگن دیر.
ایتیش کیرهک که، شونینگدیک بوندن آلدین هم ولایتلردن قطاریده عایلهلر آرهسیده سوو و ییر بولینیشی خصوصیده یوز بیرگن جنجللر سبب، یشاوچیلردن قطاری اولیب و یرهلنگن.