هلمند مرکزی لشکرگاه شهری ده بیر سوداگر، بیرینچی مراتبه ۲۰۰ مینگ دالرلیک «تاووق یېمی» ایشلب چیقریش کارخانه قورگن.
اوشبو کارخانه باشلیغی عبدالهادی گه کوره، بو کارخانه نینگ اوسکونهلری ایران دن آلیب کېلینگن. مذکور کارخانه بیر ساعت ایچیده اوچ تُن مواد نی ایشلب چیقریش کوچیگه اېگه دیېدی، کارخانه باشلیغی.
عبدالهادی نینگ کوپهیتیریشیچه، اوشبو کارخانه نینگ تخنیکی ایشلری بیر ییل ایچیده یکونلنگن. «تاووق یېملرینی قۉشنی ولایتلر گه صادر قیلهمیز. بو کارخانه ده ۳۰۰ کیشی مستقیم و نا مستقیم طرزده ایش بیلن تامینلنگن.»
بیزلرنینگ فیسبوک صحیفهمیزگه باش اورینگ!
عینحالده، هلمند ایکینچیلیک، سوغاریش و چاروهچیلیک ریاستی نینگ چاروهچیلیک ایشلری بوییچه آمری محمدعمر یاسر گه کوره، تاووق یېمی ایشلب چیقریش کارخانه قوریلیشی بیلن اهالی گه قولیلیک یرهتیلگن.
اونینگ کوپهیتیریشیچه: «بو کارخانه قوریلیشیدن خورسندمیز. بوندن آلدین تاووق یېملرینی باشقه ولایتلردن آلیب کېلردیک؛ بیراق حاضر شو ییرده یخشی صفت بیلن ایشلب چیقریلهدی.»
بیزلرنینگ «ایکس» ترماغی ده هم تعقیب قیلینگ!
شونینگدیک، هلمند صناعت و سوداگرلیک ریاستی نینگ اۉرین باسری فضلمحمد فضلی و هلمند سوداگرلیک و سرمایه یاتقیزیش اتاق مسئولی غلامیحیا پشتون، اوشبو کارخانه ایشگه باشلشی بیلن، قۉشنی ولایتلردهگی تاووقچیلر قولیلیک بیلن تاووق یېملینی قولگه کېلتیریشلری ممکن.
فضلمحمد فضلی نینگ ایتیشیچه: «هلمند زراعتی بیر ولایت دیر. الحمدالله اسلام امیرلیگی هلمند ده صناعت رواجلنیشی اوچون قولیلیک یرهتیش گه سعی-حرکت قیلماقده.»
هلمند صناعت و سوداگرلیک ریاستی نینگ معلوماتی اساسیده، بو کارخانه قوریلیشی بیلن مذکور ولایتده ایشلب چیقریش کارخانهلر سانی ۱۴۵ کارخانه گه یېتگن.
