زابل محلی مسئوللری اوشبو ولایت «سیوری» تومنی نینگ اون‌لب متری‌لیگیده موجود بولگن مغاره خصوصیده خبر بیرگنلر. مسئوللر نینگ ایتیش‌لریچه، مغاره تاریخی بیر شهر گه اوخشه‌یدی و بو ییرده قدیمی بنالر کوز گه کورینه‌دی.
زابل معلومات و مدنیت ریاست رئیسی حماد نیازی نینگ سلام‌وطندار گه ایتیشیچه، گرچند بو مغاره بوندن آلدین هم اوشبو تومن‌ده موجود ایدی، لیکن بو ییر نینگ قدیمی شهر بولگنی یا-ده طبیعی واقعه‌لر سبب اورته گه چیقگنی خصوصیده، حاضرگچه حرفه‌یی تیکشیریشلر صورت تاپمه‌گن.
بیزلرنینگ توییترده هم تعقیب قیلینگ!
زابل معلومات و مدنیت ریاست رئیسی نینگ کوپه‌یتیریشیچه، مذکور مغاره نینگ قرانغو بولگنی باعث، حاضرگچه هیچ کیم اونینگ آخری گه قدر باره آلمه‌گن.
اونینگ بیان قیلیشیچه، مذکور مغاره نینگ قدیم‌دن بارلیگی یا-ده ینگی‌لیکده توزه‌تیلگنی خصوصیده تیکشیریشلر نینگ باشلنیشی اوچون معلومات و مدنیت وزیرلیگی گه پیشنهاد بیریلگن.
بیزلرنینگ فیسبوک صحیفه‌میزگه باش اورینگ!
زابل معلومات و مدنیت ریاست مسئوللری نینگ تاکید قیلیش‌لریچه، اوشبو مغاره گه توجه بولگن صورت‌ده، توریست‌لردن قطاری نینگ توجه‌سی نی جلب قیلیشی ممکن.
شونده‌ی بیرحالده، زابل یشاوچیلریدن قطاری نینگ ایشانچلری گه کوره، اوشبو مغاره تاریخی بیر شهر نینگ قالگنی دیر که اوتمیش‌لرده مذهبی پیرو‌لردن قطاری اوزاق مملکت‌لردن، موجود بنالر نینگ زیارتی اوچون کیله‌ر ایکنلر.
افغانستان ولایت‌لریدن قطاری‌ده تاریخی ییر‌لر توریستی جذبه‌لردن حساب‌لنه‌دی، لیکن اوشبو ییرلردن قطاری گه حاضرگچه دولت‌لر تامانیدن توجه بولمه‌ی و اولردن قطاری ایسه تخریب بولماقده.
