بیرلشگن ملتلر تشکیلاتینینگ انسانسیورلیک یاردملرنی هماهنگ قیلووچی ادارهسی (اوچا)، دوشنبه کونی ایرتهلب افغانستان ده یوز بیرگن زلزله نتیجهسیده، ۲۰ کیشی اولیب و ۹۴۵ کیشینینگ یرهلنگنینی معلوم قیلگن.
اوچا، بیر گزارش آرقهلی یازیشیچه، بلخ ده توقیز کیشی و سمنگان ده ۱۱ کیشی اولیب، شونینگدیک بلخ ده ۶۱۶ کیشی و سمنگان ده ۳۲۹ کیشی یرهلنگن همده اختریش و قوتقریش عملیاتی دوامی بیلن تلفات سانینینگ کوپهیشی ممکن.
اوچا گه کوره، مذکور زلزلهده ۹۰ ته یشش اوی بوزیلگن که یالغیز سمنگان ولایتی خُلم تومنیده ۵۰ دن آرتیق یشش اوی بوتونلی شکلده چپه بولگن.
۲۰۲۵-ییل، ۳-نوامبر دوشنبه کونی ایرتهلب ساعت ۰۱:۰۰ اطرافیده، افغانستان شمالیده ۶.۳ درجه ریشترلیک زلزله یوز بیریب، مملکتنینگ تورلی بولیملری و شونینگدیک اوزبیکستان و قزاقستان ده هم سیزیلگن.
