هرات‌ده «سیز اوچون مینینگ کتابم» نامیده کتاب توپلش کمپاین یولگه قوییلگن. هرات ولایتی بوییچه معارف ریاستی مسوول‌لری نینگ مکتب‌لرده درس کتابی کم‌لیگی‌دن خواطر بیلدیریب ایتیش‌لریچه، اوشبو ولایتده ۵ میلیون درس‌لیک کتاب‌گه نیاز بار و بو جمله‌دن سابق ییل‌لردن قالگن ۱ میلیون کتاب اوقیتووچی‌لرگه توزیع قیلینگن و حاضرده هم باشقه ۴ میلیون کتاب گه نیاز بار.
بوگون “چهارشنبه” هرات ولایتی بوییچه معارف ریاستی باشلیغی زکریا رحیمی نینگ کتاب توپلش کمپاین یولگه قوییلگنیدن خبر بیریب ایتیشیچه، اوقیتووچی‌لردن ۳۰% نی کتابی بار، لیکن سابق ییل‌لردن قالگن و کهنه کتاب‌لر دیر. اونینگ کوپه‌یتیریشیچه، مکتب‌لرده درس‌لیک کتاب کم بولگنی سبب، کتاب توپلش کمپاین یولگه قوییگن‌لر و کیله‌سی ۱۰ کونگچه دوام قیلیشی ممکن.
جناب رحیمی، سوداگرلر و خیرخواه کیشی‌لردن درس‌لیک کتاب کم‌لیگی خصوصیده معارف ریاستی‌گه یاردم بیریش‌لرینی سورهگن.
مذکور کمپاین باشله‌نیشیده هرات ولایتی بوییچه معارف ریاستی نینگ تعلیمات بولیمی اورین باسری عبدالرحمان عزیزی، سوداگرلر و اهالی دن بیر سیت کتاب ساتیب آلیش بیلن اوقووچی باله‌لرنی خرسند قیلیش‌لرینی سورهگن.
