غزه ده اسرائیل حربی کوچلری نینگ آواره‌لر توپلنگن مدرسه ده هوا هجومی عاقبتیده ۳۲ کیشی قربان بولگن.
الجزیره خبری ترماغی گه کوره، اسرائیل حربی کوچلری بوگون (۱۷-جوزا، پنجشنبه) بامداد چاغی، غزه نینگ نصیرات منطقه‌سیده بیرلشگن ملتلر تشکیلاتی گه عاید یوزلب فلسطین‌لیک آواره توپلنگن مدرسه‌نی نشانگه آلگن.
بیزلرنینگ فیسبوک صحیفه‌میزگه باش اورینگ!
اسرائیل اردوسی، بیرلشگن ملتلر تشکیلاتی گه عاید بیر مدرسه که حماس جنگری‌لری توپلنگن اېکن، نشانگه آلگنینی ادعا قیلگن.
بیراق حماس نینگ مطبوعات اداره‌سی، اسرائیل نینگ اوشبو هجومی عاقبتیده چمه‌سی ۳۲ کیشی قربان بولگنینی معلوم قیلیب و اسرائیل نی «هلاکتلی قیرغین» قیلیش گه عیبله‌گن.
بیزلرنینگ «ایکس» ترماغی ده هم تعقیب قیلینگ!
حماس نینگ مطبوعات اداره‌سی مدیری اسماعیل الثوابته، اسرائیل اردوسی نینگ بیرلشگن ملتلر تشکیلاتی مدرسه‌سیده حماس جنگری‌لری بولگن ادعاسینی رد اېتگن.
امریکا قۉشمه ایالتلری جمهور باشلیغی جوبایدن تامانیدن اوچ باسقیچلی آتیش کېسین برقرار اېتیلیش طرح، حاضرگه قدر اوروش تامان‌لری تامانیدن قبول قیلینمه‌گن بیرحالده، بو هجوم اۉیوشتیریلگن.
