هرات محلی مسئوللری، قویاش ۱۴۰۴-ییلنینگ بیرینچی توقیز آییده هراتنینگ ۲۲ مینگ تُن طبی اوسیملیکلری دنیا بازالریگه صادر قیلینگنیدن خبر بیردیلر.
هرات حاکمی سوزلاوچیسی محمدیوسف سعیدی، بو ولایتدن ۲۴ میلیون ۲۶۸ مینگ دالرلیک طبی اوسیملیکلر چیت ایل مملکتلر جملهدن امریکا، بیرلشگن عرب امیرلیگی، روسیه و ایران اولکهلریگه صادر قیلینگنینی بیلدیردی.
سعیدی جنابلریگه کوره، صادرات رقمی اوتگن ییلنینگ خوددی شو وقتیده اوچ برابر آشگن.
بولر، زرشک یاغاچ، قاره زیره، کوک زیره، شیرین بیان، زنجبیل، دارچین، آویشن و باشقه بیرقطار طبی اوسیملیکلردن عبارت ایکنینی ایتیلگن.
هرات حاکمی سوزلاوچیسی، بو ولایت محلی ادارهسی دهقانلر، سوداگرلر و طبی اوسیملیک ساحهسیده بیزنس قیلهیاتگنلرنی قوللب-قوتلش و اولر گه قولیلیک یرهتیش، صادرات جریانینی آسانلشتیریش، ایکینچیلیک محصولات گه بازار قیدیریش و اولرنینگ دنیا بازارلریگه قول تاپیشی اوچون سعی-حرکت قیلهیاتگنیدن ایشانچ بیلدیردی.
بوندن اول هم، هراتدن میوه، قالین، تُرشی، تازه و قوریتیلگن میوه همده زعفران دنیانینگ تورلی بورچکلریده صادر قیلینگن.
