۵ ییل آلدین، ۲۰۱۷-میلادی ییل نینگ ۳۱-می‌‌ده کابل شهری نینگ زنبق تورت‌یولیده پارتلاوچی ماده جایلشگن موتر نینگ پارتلگنی، فاجیه یره‌تدی و مذکور پارتلش نتیجه‌سیده کمیده ۶۰۰ کیشی اولیب یره‌لندی. مذکور پارتلش مسئولیتی نی هیچ بیر گروه بوینیگه آلمه‌دی؛ بیراق سابق حکومت ملی امنیت ریاستی اوشبو پارتلش نی حقانی ترماغی نینگ ایشی دیگن ایدی.
کابل نینگ زنبق تورت یولیده یوز بیرگن پارتلش مینگ‌لر کیشی نینگ اعتراضی گه سبب بولدی، اعتراض‌چیلر حکومت نینگ کفایت‌سیز بولگنی گه عیبلب و مسئوللردن قطاری نینگ استعفا بیریشی نی ایسته‌دیلر، بیراق اوشبو اعتراض‌لر زوروانلیک بیلن روپه‌رو بولیب و معترض‌لردن قطاری حکومتی کوچلر نینگ اوق آتیش‌لری باعث، هلاک بولدیلر.
بیزلرنینگ توییترده هم تعقیب قیلینگ!
شونده‌ی بیرحالده، اوشبو هجوم قربان بولگنلر نینگ قرینداشلری حاضرگچه عزیزلری نی قولدن بیرگنلری نی اونوتمه‌ی ماتم توتماقده‌لر. قربان بولگنلر قرینداشلری نینگ ایتیشلریچه، حاضرگچه اوشبو پارتلش دهشتی نی اونوتمه‌ی، باشقه هجوم‌لر نینگ یوز بیریشی و امنیت‌لری یوقلیگی خصوصیده خواطرده بولگنلری بیرحالده؛ بیراق مملکت بوییچه تینچ‌لیک نی ایسته‌یدیلر.
۲۴ یاشر اعجازالحق، ینگی‌لیکده بیلیم یورت نی بیتیریب و دولتی اداره‌لردن بیریده ایش آلگن ایکن که، مذکور واقعه‌ده هلاک بولگن.
اعجازالحق نینگ تاغه‌سی نصیر‌احمد بینش، اعجاز نینگ اولمه‌گنیدن آلدین اونینگ بیلن ایکن و سون صحبت‌لری نی شو رقم بیان قیلهدی: «اعجازالحق رمضان آییده ایرتنگ چاغی قرآن‌کریم تلاوت قیلگنیدن کیین، دفتر گه کیتدی و اوزاق یولده ایدی که مینگه قره‌دی و کولیب خدا‌حافظ‌لیک قیلدی. پارتلش نی ایشیتگنیم‌دن کیین موبایلی خاموش بولدی. ساعت‌لر آختریش‌دن کیین جسدی نی ۴۰۰ یاتاقلی کسلخانهسی نینگ سردخانه‌سیدن تاپدیک، اعجازالحق نینگ شهید بولگنی ایشانیلمس بیر موضوع ایدی. حاضرگچه ایشانه آلمه‌یمین. بیزلر اونگه عادت قیلگن ایدیک، اونینگ شهید بولگنی نی هیچ بیر زمان اونوته آلمه‌یمیز.»
بیزلرنینگ فیسبوک صحیفه‌میزگه باش اورینگ!
اعجازالحق‌دن عایله‌سی نینگ یانیده قالگن یادگارلر یالغیز نیچه قطعه عکس و خاطره‌لر دیر. اوشبو ییگیت نینگ یقین‌داشلری اونینگ عکس‌لری نی کوریش بیلن دردلری تازه بوله‌دی و حاضرگچه عدالت تامین بولمه‌گنی خصوصیده شکایت قیله‌دیلر.
اعجازالحق ایناغه‌سی سراج‌الحق نینگ ایتیشیچه: «افغانستان بویلب تینچ‌لیک نی ایسته‌میز، بیراق بیزلر نینگ بو ایسته‌گیمیز حقیقت گه ایریشمه‌دی. حاضرگچه بو رقم حادثه‌لر نینگ دوامی بار. قیغو بیلن مینگلرچه ایرکک و عیال و شونینگدیک باله‌لر و ییگیت‌لر بو رقم قربان بولگنلر، اولر گه هیچ ربطی بولمه‌گن سیاست‌لرده قربان بولگنلر.»
حاضر ایسه اسلامی امارت قدرت نی قولگه آلگن و اوشبو هجوم‌ده قولی بارلیگی و یوقلیگی نی نه تایید قیلهدی و نه رد.
اسلامی امارت سوزلاوچی اورین‌باسرلریدن بیری بلال‌کریمی نینگ سلام‌وطندار گه ایتیشیچه، اسلامی امارت کوچلری اوتگن ایکی دهه‌ده، تینچ‌اهالی نی قصدی شکلده هدف قرار بیرمه‌گن. او اوتمیش ییللرده هجوم‌لردن زیان کورگنلر گه یاردم بیریش خصوصیده ایشانچ بیره‌دی.
بلال کریمی نینگ کوپه‌یتیریشیچه: «اسلامی امارت اوتمیش ۲۰ ییل‌ده یوز بیرگن فاجعه‌لر خصوصیده متاسف دیر و زیان ییتیشگنلر نینگ قیین‌چیلیکلری نی حل قیلیش اوچون سعی و حرکت قیلهدی. چونکه زنبق تورت یولیده یوز بیرگن واقعه‌دن نیچه ییل اوتگن و بیزلر بوتوغریده دقیق معلومات توپله‌یشیمیز کیره‌ک.»
گرچند اسلامی امارت نینگ قدرت گه ایریشگنی پیتده محبوس‌لردن قطاری نینگ آزاد بولگنی خصوصیده گزارشلر بار؛ بیراق اسلامی امارت بو مورد نی تصدیق قیلمه‌یدی.
شونده‌ی بیرحالده، مملکتده اسلامی امارت نینگ قدرت گه ایریشگنی بیلن، قانلی هجوم‌لر حاضرگچه برطرف ایتیلمه‌گن.
