سلام‌وطندار نینگ ۱۷ ولایت یشاوچیلری بیلن اوتکزگن صحبتی اساسیده، ۱۳ ولایت ده عیاللر طبی خذمت‌لردن یخشی فایده‌لنه آلمه‌یدیلر.
سلام‌وطندار نینگ معلوماتیگه بناً، عیاللر کابل، لوگر، پنجشیر، کاپیسا، سمنگان، بغلان، بدخشان، پروان، سرپل، بامیان، دایکندی، قندوز و نیمروز ولایت‌لریده ییترلیچه طبی خذمت کورسه‌تیلمسلیک قیینچیلیگی بیلن دوچ دیر.
کابل، لوگر، پنجشیر، کاپیسا، سمنگان، بغلان، بدخشان و پروان ولایت‌لری نینگ ساغلیق‌نی سقلش مسئوللری، عیاللر اوچون ساغلیک خذمت‌لر آزلیگینی تصدیقلب ایتیشلریچه، عیال ساغلیک کدرلری و ساغلیک امکانیت‌لری آزلیگی اوشبو قیینچیلیک اساسی عامللریدن دیر.
ملالی کسلخانه‌سی باشلیغی رحیم فیضی، بدخشان ولایتی کسلخانه‌سی باش شفاکاری شفیق همدرد و بغلان ولایتی کسلخانه‌سی آمری شاه‌ولی احمدزی نینگ ایتیشلریچه، عیاللر بولیمیده ساغلیک کدرلر آزلیگی بیلن روپه‌ره بولیب و مراجعتچیلر اوچون اولر نینگ ساغلیک امکانیت‌لری ییترلی ایمس دیر.
ملالی کسلخانه‌سی باشلیغی رحیم فیضی گه کوره: «کسل‌لر سانی آشسه، دهلیزلرده چپرکت قویه‌میز. متخصص کیشی‌لر گه احتیاجی‌میز بار، ایچکی و جراح‌لیک بولیمیده هم نفر کیره‌ک، حاضرگچه کمچیلیک‌لریمیز کوپ دیر.»
بدخشان ولایتی کسلخانه‌سی باش شفاکاری شفیق همدرد نینگ ایتیشیچه: «متخصص جراح عیال کیره‌ک. باله‌لر متخصصی گه نیازمند میز، بیراق تأسف بیلن بو بولیم‌لرده عیال شفاکارلری یوق. اوشبو بولیم‌لرده هیچ کیم بیز گه تانیشتیریلمه‌گن، تأسف بیلن بو بولیم‌لرده عیال کدرلریمیز یوق دیر.»
بیزلرنینگ فیسبوک صحیفه‌میزگه باش اورینگ!
بغلان ولایتی کسلخانه‌سی آمری شاه‌ولی احمدزی نینگ کوپه‌یتیریشیچه: «پرسونل آزلیگی بیلن روپه‌ره‌میز، مثال صورتده بیر شفاکار بیش کسل نی کوریشی کیره‌ک، لیکن بیز بیر شفاکار گه ۲۰ و ۳۰ کسل نی کوریش بویروغینی بیره‌میز.»
باشقه تاماندن، لوگر ولایتی نایب امین‌الله خان کسلخانه‌سی باش شفاکاری گل سلام، پنجشیر ولایتی ساغلیق‌نی سقلش باشلیغی اسدالله نجات، کاپیسا ساغلیق‌نی سقلش باشلیغی موسا طه، سمنگان ولایتی کسلخانه‌سی باشلیغی سیدعثمان حمیدی و پروان ولایتی یوز بسترلیک تخصصی کسلخانه‌سی باشلیغی عبدالخلیل حیدری، ولایت‌لریده عیال شفاکار کدرلری و ساغلیک امکانیت‌لری آزلیگینی معلوم قیلیب ایتیشلریچه، حکومت و حمایت قیلووچی نهادلر ولایت‌لر نینگ نفوسی و مراجعت قیلووچیلر سانی گه قره‌ب اولر گه ساغلیک خذمت گه زمینه یره‌تیش‌لری کیره‌ک.
بیراق تخار، غزنی، لغمان و پکتیا باشقه تورت ولایت نینگ ساغلیک بولیمی مسئوللری، عیاللر اوچون ساغلیک خذمت کورسه‌تیش بولیمیده جدی قیینچیلیک بیلن روپه‌ره ایمسلیکلرینی معلوم قیلیب و سرپل، بامیان، دایکندی، قندوز و نیمروز ولایت‌لری نینگ ساغلیک مسئوللری بوتوغریده سوال‌لریمیز گه جواب قیتیرمه‌دیلر.
تخار ولایتی ساغلیق‌نی سقلش باشلیغی عبدالقهار احمدی، غزنی ولایتی کسلخانه‌سی باشلیغی نورالله حبیبی، لغمان ولایتی کسلخانه‌سی باش شفاکاری محمدصدیق سمسور و پکتیا ولایتی حوزه‌وی کسلخانه‌سی باش شفاکاری اصیل خان ناصری نینگ ایتیشلریچه، عیاللر اوچون ساغلیک خذمت کورسه‌تیش بولیمیده جدی قیینچیلیک بیلن روپه‌ره ایمس‌‌لر.
برچه‌سی بیلن، سلام‌وطندار نینگ ۱۷ ولایت ده ۳۰ کسل، پایواز و عادی یشاوچی بیلن اوتکزگن صحبت‌لری گه بناً، عیاللر ۱۳ ولایت ده ساغلیک خذمت‌لردن ناراضی‌لر و غزنی، لغمان، تخار و پکتیا ولایت‌لری شامل باشقه تورت ولایت نینگ یشاوچیلری عیاللر گه ساغلیک خذمت کورسه‌تیلیشیدن نسبی راضی‌لر.
کابل، بدخشان، بغلان، پنجشیر، سمنگان، کاپیسا، پروان، لوگر، نیمروز، سرپل، قندوز، بامیان و دایکندی یشاوچیلری عیاللر گه ساغلیک خذمت کورسه‌تیلیشیدن شکایتی بولگن ولایت‌لردن دیر.
سرپل ده حامله عیاللردن زرین گل نینگ سلام‌وطندار گه ایتیشیچه: «آلتی آی‌لیک حامله من ساغلیک احوالیم اونچه‌لیک یخشی ایمس، چونکه بیز گه یخشی ساغلیک خذمت کورسه تیلمه‌یدی، حاضرگچه چک و معاینه بولگنیم یوق. یول اوزاق‌لیگی باعث برچه عیاللر ساغلیک خذمت‌لردن فایده‌لنه آلمه‌یدیلر، کلینک‌لر اوزاق و شفاکارلر آز دیر.»
قندوز ده حامله عیاللردن نذر بیگم گه کوره: «کسلخانه‌لرده شفاکارلر حامله عیاللر گه اونچه‌لیک دقت قیلمه‌یدیلر، اوز کوزیم بیلن کوردیم، اونچه‌لیک ساغلیک امکانیت یوق. ولادت چاغیده پایواز باریب قابله نی آلیب کیلسه عیاللر ولادت اتاقی ده ولادت قیله‌دی، بولمسه کوتیش اتاقی یا که ولادت اتاقی دهلیزی گه ولادت قیلیشه‌دی.»
شونینگدیک، نیمروز ولایتی کسلخانه‌سیده کسل‌لردن بیری مریم نینگ کوپه‌یتیریشیچه: «مسلکی و متخصص شفاکار یوق و کسلخانه‌لرده ییترلی امکانیت یوق، مثال صورتده کسل تیکشیریلیشی اوچون لازم بولگن مواد تاپیلمه‌یدی، بیزنی ولایتی‌میز ده عیاللر گه خذمت کورسه‌تیلیشیدن راضی ایمس‌میز.»
شو بیلن بیرگه، کسل‌لرینی دوالش اوچون ولایتی کسلخانه‌لر گه آلیب کیلگن کسل‌لردن بیرقطاری، ولایتی کسلخانه‌لرده عیاللر اوچون ساغلیک خذمت‌لر آزلیگیدن شکایت قیلیب ایتیشلریچه، عیال متخصص شفاکاری آزلیگی و ساغلیک امکانیت ییترلی ایمس‌لیگی باعث کسل‌لری گه اونچه‌لیک دقت قیلینمه‌یدی.
لوگر ولایتی کسلخانه‌سیده بیماردارالردن عصمت‌الله گه کوره: «بیر کیشی‌لیک اتاق ده تورت_بیش کیشی یاتقیزیلگن، اتاق‌لر کوپه‌یتیریلیشی لازم.»
بامیان ولایتی کسلخانه‌سیده بیماردارلردن ثریا نینگ ایتیشیچه: «حاضرگی کونده بامیان ولایتی کسلخانه‌سیده بیمارلر گه اونچه‌لیک دقت قیلینمه‌یدی، کسلخانه گه مراجعت قیله‌دیگنلردن اکثریتی کوتیش گه مجبور بوله‌دیلر.»
دایکندی ولایتی کسلخانه‌سیده بیماردارلردن سیما گه کوره: «بستر اتاق‌لریده بستری بولگن کسل‌لر سانی کوپ دیر و کسل‌لردن بعضی‌لری نینگ احوالی یخشی ایمس.»
شونینگدیک، نیمروز ولایتی کسلخانه‌سیده بیماردارلردن حبیبه نینگ کوپه‌یتیریشیچه: «بیز کبی کمبغل کیشی‌لر گه هیچ کیم دقت قیلمه‌یدی و هیچ کیمنی تانیمه‌ی میز.»
عین‌حالده، مملکت بیر قطار ولایت‌لری نینگ یشاوچیلریدن بیرقطاری، ساغلیک شفاکارلر آزلیگی، ساغلیک مرکزلر یوق‌لیگی و ولایت‌لرده ساغلیک خذمت‌لر آزلیگیدن شکایت قیله‌دیلر.
کاپیسا دن شیبا گه کوره: «عیال متخصص یوق‌لیگی حاضر هم سیزیله‌دی.»
پنجشیر دن غلام سخی نینگ ایتیشیچه: «آبشار تومنیده ساغلیک مرکزلری اوزاق‌لیگی و یول‌لر بوزوق‌لیگی باعث یخشی ساغلیک خذمت کورسه تیلمه‌یدی. تومنده کلینیک یوق و یالغیز بیر سنتر بار، اونچه‌لیک ساغلیک خذمت کورسه تیلمه‌یدی، دارولر صفتی قویی دیر.»
سرپل دن زلیخا گه کوره: «قابله‌لر نینگ سانی جمهوریت تیزیمی گه نسبتن حاضر کمه‌یگن، چونکه معاش‌لری آز دیر.»
باشقه تاماندن، سلام‌وطندار نینگ کابل ده ۱۵ خاتین قیز بیلن اوتکزگن صحبتی اساسیده، عیاللر اوچون وقایوی خذمت‌لر کمه‌یگن.
بیزلرنینگ توییترده هم تعقیب قیلینگ!
مذکور خاتین قیزلر گه کوره، اوتمیش ده قیزلر مکتب‌لری و اویمه_اوی کمپاین‌لر آرقه‌لی قان نی کوچه‌یتیریش دارولرنی آلیب و تیتانوس گه قرشی واکسین بولر ایدیلر؛ بیراق اولکه ده تیزیم اوزگریشی، قیزلر نینگ مکتب‌لری یاپیلیشی بیلن، اویمه_اوی کمپاین‌لر توخته‌تیلیب و اولر نینگ وقایوی خذمت‌لردن فایده‌لنیش‌لری کمه‌یگن.
کابل یشاوچیسی مروه محمدی نینگ ایتیشیچه: «بیز بو دارو دن فایده کورمه‌دیک، شفاکار گه هم مراجعت قیلدیک، برچه کسل‌لیک قان کم‌لیگی دیدی.»
شونینگدیک، زرغونه گه کوره: «حاضرگی کونده حتا تیتانوس واکسینی قیلینمه‌یدی، عیاللر نینگ شکایتی بار، آی‌لیکلریده ترتیب‌سیزلیک تاپیلگن.»
شو بیلن بیرگه، معالج شفاکارلردن بیرقطاری، عیاللر گه طبی خذمت کورسه‌تیلیشی کمه‌یشینی تصدیقلب ایتیشلریچه، عیاللر نینگ طبی خذمت‌لردن فایده‌لنه آلمسلیگی اولر نینگ اولیمی کوپه‌یشی گه سبب بولگن.
کابل ده نسایی ولادی شفاکاری نجم‌السما شفاجو گه کوره: «عیاللر نینگ طبی خذمت‌لردن فایده‌لنیشی کمه‌یگن، چونکه افغانستان ده آنه‌لر نینگ اولیم میزانی آشگن و تأسف بیلن آسیا اولکه‌لری ارا افغانستان آنه‌لر نینگ اولیمی کوپ بولگن مملکت‌لردن دیر، شونی اوچون اولر نینگ طبی خذمت‌لردن فایده‌لنیش میزانی کمه‌یشینی کورسته‌دی.»
کابل ده دولت کسلخانه‌لریدن بیری ده داکتر «مستعار اسملی» صدف نینگ ایتیشیچه: «عیاللردن ییترلیچه پرسونلی‌میز یوق دیر.»
قندوز کسلخانه‌لریدن بیری ده قابله فرشته نینگ کوپه‌یتیریشیچه: «عیال ایشلاوچیلری سانی آز دیر و مراجعتچیلر سانی کوپ، برچه کسل‌لرنی دارو_دواله‌ی آلمه‌یمیز، چونکه نسایی ولادی بولیمی کسل‌لری کوپ دیر ایشلاوچیلری هم کوپه‌یتیریلیشی کیره‌ک.»
برچه‌سی بیلن، چیگره بیلمس شفاکارلر تشکیلاتی (ام‌اس‌اف) مملکت ده عیاللر نینگ طبی خذمت‌لریدن فایده‌لنیش‌لری کمه‌یشینی تصدیقله‌یدی.
چیگره بیلمس شفاکارلر تشکیلاتی نینگ ساغلیک بولیمی اورین باسری همایون همت نینگ سلام‌وطندار گه ایتیشیچه: «اکثر ولایت‌لرده ییترلیچه طبی خذمت کورسه تیلمه‌یدی. دارو، پرسونل آزلیگی اینیقسه اوزاق منطقه‌لرده اساسی قیینچیلیک‌لردن سنله‌دی.»
عین‌حالده، سرپرست حکومت ساغلیق‌نی سقلش وزیرلیگی سوزلاوچیسی شرافت زمان امرخیل، مملکت ده ساغلیک کدرلری آزلیگینی تصدیقلب ایتیشیچه، موجود قیینچیلیک حلی اوچون مملکت بویلب باشقه ۶۰۰ دولتی کسلخانه قوریشنی نظر گه آلگنلر.
اونگه کوره: «یالغیز ولادی بولیمیده متخصص نیاز ایمس بلکه ایچکی و جراح‌لیک بولیمیده عیال داکترلر گه نیازیمیز بار. و باشقه بولیم‌لرده هم ضرورت دیر. کیله‌سی ییل ده انشاءالله ۶۰۰ ینگی کسلخانه قوریشنی قرار قیلگن میز. کسلخانه‌لرده کسل‌لر گوجوم‌لیگینی کمه‌یتیریش مقصدیده سعی‌وحرکت قیلماقده‌میز.»
حاضرگی کونده مملکت بویلب مکتب‌لر و بیلیم یورت‌لر ایشیگی اوقووچی قیزلر یوزی گه یاپیلیب و اوتگن ییلی طب فاکولته‌لریدن فارغ بولگن قیزلر نینگ سیناولری حاضرگچه آلینمه‌گن بیرحالده، مملکت ده عیال شفاکارلری آزلیگی و عیاللر نینگ طبی خذمت‌لردن فایده‌لنیش‌لری کمه‌یشیدن شکایت بولماقده.
