ملکی خذمتلر و ادارهلرگه اصلاحات کیلتیریش کمیسیونی رسمیلری نینگ ایتیشلریچه، طالبان نینگ هجومی شدتلنگنی و امنیتی وضعیت یمان بولگنی باعث، ملکی خذمت ارایه قیلیش جریانی زیان کورگن.
بوگون “پنجشنبه” ملکی خذمتلر و ادارهلرگه اصلاحات کیلتیریش کمیسیونی باشلیغی نادر نادری نینگ کابلده خبری بیر ییغینده طالبان نظارتیده بولگن منطقهلرده ملکی خذمت ارایه قیلیش وضعیتیدن خواطر بیلدیریب ایتیشیچه، طالبان قولیگه سقوط قیلگن تومنلرده ملکی خذمتلر توختهتیلگن.
جناب نادری گه کوره، طالبان گروهی بیرقطار تومنلرنی تصرف قیلگنیدن سونگ، عامالمنفعه تاسیساتلرنی تخریب و غارت قیلگن.
سلاموطندار اوزبیک بولیمینی فیسبوکده تعقیب قیلینگ
ملکی خذمتلر و ادارهلرگه اصلاحات کیلتیریش کمیسیونی باشلیغی نینگ ایتیشیچه، عیاللر شامل ملکی خذمتلر ایشلاوچیلریدن ۵۰ مینگ تهسی طالبان تهدیدی سبب، اویلریدن چیقه آلمهیدیلر و خذمتلری توختهتیلگن.
جناب نادری نینگ کوپهیتیریشیچه، طالبان نینگ شدتلی هجوملری سبب، افغانستان ۱۳ میلیون یشاوچیسی عامه خذمتلردن محروم قالگن.
ملکی خذمتلر و ادارهلرگه اصلاحات کیلتیریش کمیسیونی باشلیغی نینگ طالبان ایشلریدن تنقید قیلیب ایتیشیچه، اهالی و ملکی تاسیساتلر هرقندهی هجوم دن مصون دیر، لیکن اوشبو گروه بوندهی مسلهلرگه دقت قیلمهی و جنایتگه قول اورگن.
بیراق، طالبان سوزلاوچیسی ذبیحالله مجاهد نینگ مذکور ادعالرنی رد قیلیب ایتیشیچه، اوشبو گروه نظارتیده بولگن منطقهلرده ملکی خذمتلر سابق شکلده دوام قیلماقده.
بیزلرنی توییتر ده تعقیب قیلینگ
اونینگ کوپهیتیریشیچه، طالبان نظارتیده بولگن منطقهلرده ملکی خذمتلر ارایه قیلینیشیگه قرشی هیچقندهی چیکلاو یرهتیلمهگن.
ایتیلیشیچه، طالبان گروهی سونگی ایکی آی جریانیده هجوملرینی شدتلنتیریب و کوپقطار تومنلرنی تصرف قیلگن بیرحالده، ملکی خذمتلر توختهتیلگنی خصوصیده خواطرلر کوپهیگن.
