ایچکی ایشلر وزیرلیگی پاسپورت عمومی ریاستی مسئوللری، مملکت بویلب یشاوچیلر گه پاسپورت توزیع قیلیش جریانی عادی حالتیگه قیتگنینی معلوم قیلهدیلر. پاسپورت ریاستی سۉزلاوچیسی نورالله پتمن سلام‌وطندار بیلن اۉتکزگن صحبتیده، ولایت‌لرده پاسپورت طلب‌گالری سانی کمه‌یگنینی اېتگن.
افغانستان بویلب هر کونی ۱۲ مینگ پاسپورت توزیع قیلینیشینی بیلدیره‌دی، پاسپورت ریاستی سۉزلاوچیسی نورالله پتمن.
اونینگ کوپه‌یتیریشیچه: «افغانستان بویلب هر کونی ۱۲ مینگ پاسپورت توزیع بوله‌دی بو جریان مرکز و ولایت‌لرده عادی حالتی گه قیتگن و کابلده ثبت نام قیلیش سایتی شنبه کونی آچیله‌دی و ینگی مرکزلر سایتی سه‌شنبه کونی آچیله‌دی.»
بیزلرنینگ فیسبوک صحیفه‌میزگه باش اورینگ!
پاسپورت ریاستی مسئوللری گه کوره، کابلده هر کونی آلتی مینگ و باشقه ولایت‌لرده هر کونی آلتی مینگ پاسپورت توزیع بوله‌دی.
آی‌لردن بېری پاسپورت آلیشنی کوتگنلردن بیرقطاری، پاسپورت ریاستیدن کابل کبی باشقه ولایت‌لرده هم قولی‌لیک یره‌تیشینی اېسته‌یدیلر.
کابل یشاوچیسی داوود گه کوره، بیر ییل آلدین آنلاین طرزده پاسپورت آلیش اوچون درخواست بیرگن.
بیزلرنینگ «ایکس» ترماغی ده هم تعقیب قیلینگ!
اونینگ ایتیشیچه: «پاسپورت آلیش اوچون بیر ییل آلدین آنلاین طرزده ثبت نام قیلگن اېدیم و فورمی بیر آی آلدین چیقدی و حاضر حکمینی آلیش اوچون پاسپورت ریاستی گه مراجعت قیلگن من و نیچه کون آلدین ینگی زون قوریلیب و یشاوچیلر گه قولی‌لیک یره‌تیلدی ولایت‌لرده هم فعال بولیشینی اېسته‌یمیز.»
کابل یشاوچیلریدن باشقه بیری صافی، ینگی مرکزلر قوریلیشی و بو جریانده قولی‌لیک کېریتیلیشینی طلب قیله‌دی. اونینگ کوپه‌یتیریشیچه: «سکیز آی آلدین ثبت نام قیلگن اېدیم و بیر آی آلدین فورمی چیقدی و اهالی گه قولی‌لیک یره‌تیش‌لرینی سۉره‌یمیز.»
پاسپورت ریاستی نینگ معلومات‌لری اساسیده، اوشبو اداره سۉنگی بیر ییلده افغانستان نینگ ایکّی میلیون دن آرتیق اهالیسی گه پاسپورت توزیع قیلگن.
