اوتگن “یکشنبه” کونی کابل شهری نینگ برهکی منطقهسیده یوز بیرگن قانلی واقعه یشاوچیلرنی غضبلنتیرگن. کابل یشاوچیلریدن کوپ قطاری مذکور واقعهده قربان بولگنلر صورتلرینی اجتماعی ترماقلرده نشر قیلیب بوندهی حادثهلرنی اسلام دینی و انسانیتگه قرشی عنوان قیلگنلر.
توییتر اجتماغی ترماغی فعاللری هم (#آنه تور) کمپاینینی یولگه قوییب مذکور حادثه و سونگی پیتلرده کابل شهریده یوز بیرگن پارتلشلرنی قارهلگنلر.
توییتر فعاللریدن بیری امان افغان نینگ یازیشیچه، طالبان گروهی نینگ بوندهی وحشتلی جنایتلریگه قرشی دنیا نینگ واکنش کورسهتیشی کیرهک.
توییتر فعاللریدن باشقه بیری عمرانخان صدیق نینگ یازیشیچه : «نیمه اوچون طالبانگه قرشی ملت بسیج بولمهیدی. اهالینی کورسهتیشی کیرهک کیم، طالبان افغانستان نینگ اصلی دشمنی دیر و هیچبیر زمان بو توپراققه جایلری یوق.»
حکومت سابق و حاضرگی رسمیلریدن بیر قطاری هم اوشبو حادثهنی قارهلب و بوندهی واقعهلر توختهتیلیشینی سورهگنلر.
عینحالده، مذکور پارتلشده قربان بولگنلرنینگ عایله اعضالری، اهالی خوفسیزلیگی نی تامینلشده حکومتنی ناکام عنوان قیلیب ایتیشلریچه، مسووللرنینگ قولاقلری کر دیر.
زبید، برادر سهراب هفتساله که در محل رویداد سرگرم اسفندکردن بود و در اثر انفجار کشته شد، میگوید که برادرش برای پیداکردن لقمهنانی از خانه بیرون شده بود؛ اما دوباره بازنگشت.
۷ یاشیده بولگن سهراب اوتگن یکشنبه کونی کابل شهری نینگ برهکی منطقهسیده یوز بیرگن پارتلشده هلاک ایتیلگن. اونینگ ایناغهسی زبید نی ایتیشیچه، ایناغهسی بیر لقمه نان تاپیش اوچون اویدن چیقگن ایدی، لیکن قیتهدن اویگه قیتمهدی.
عینحالده، کابل پولیس قومندانلیگی سوزلاوچیسی فردوس فرامرز نینگ ایتیشیچه، مذکور پارتلشده ۴ کیشی هلاک و باشقه ۶ کیشی یرهلنگن. اونینگ کوپهیتیریشیچه، اوشبو واقعه عامللرینی تانیب قولگه آلیش اوچون سعی و حرکتلرنی دوامی بار.
کابل شهری سونگی کونلرده قانلی حادثهلرگه گواه بولگن و حاضرگهقدر هیچبیر گروه بوندهی حادثهلر مسوولیتینی بوینیگه آلمهگن، لیکن جمهورلیک ریاستی بیرینچی اورین باسری امرالله صالح، طالبان گروهینی بوندهی هجوملرگه مسوول عنوان قیلهدی.
جمهورلیک ریاستی بیرینچی اورین باسری نینگ ایتیشیچه، اوتگن “یکشنبه” کونی کابل شهری نینگ برهکی منطقهسیده یوز بیرگن پارتلشده طالبان نینگ قولی بار دیر.
