ساغلیق‌نی سقلش وزیرلیگی مسوول‌لری نینگ کرونا ویروسی کوپه‌یگنیدن خواطر بیلدیریب آگاه‌لنتیریش‌لریچه، هرقنده‌ی دقت‌سیزلیک و کرونا ویروسی‌نی جدی آلمسلیک وضعیت‌نی یمان قیلیب و مملکت سرنوشتی نی هندوستان سرنوشتی کبی بولیشی‌گه سبب بوله‌دی.
بوگون “سه‌شنبه” ساغلیق‌نی سقلش وزیرلیگی سرپرستی وحید مجرح نینگ کابلده خبری بیر ییغینده ایتیشیچه، مملکت کرونا ویروسی نینگ ۳- موجی‌گه قرار تاپگن و بو ویروس نینگ ۳- موجی بیرینچی و ایکینچی موجی‌گه قره‌گنده خطرلی دیر.
جناب مجروح گه کوره، مملکت یشاوچی‌لری ساغلیک توصیه‌لر، اجتماعی فاصله و ماسک دن فایده‌له‌نیشگه دقت قیلمه‌گن صورتده، افغانستان‌نی فاجعه‌لی کون‌لرگه گواه بولیشی ممکن.
ساغلیق‌نی سقلش وزیرلیگی سرپرستی، یشاوچی‌لردن کرونا ویروسی‌گه قرشی واکسین قولگه کیلتیریش اوچون ساغلیک مرکزلرگه مراجعت قیلیش‌لرینی سوره‌گن.
کرونا ویروسی خصوصیده اهالی نینگ دقت‌سیزلیگی سبب، حج و اوقاف وزیرلیگی یشاوچی‌لردن ساغلیق‌نی سقلش وزیرلیگی‌گه یاردم بیریش‌لرینی سوره‌یدی.
حج و اوقاف وزیری محمدقاسم حلیمی، بو ییغینده دین عالم‌لردن کرونا ویروسی خطرلری خصوصیده اهالی‌گه معلومات بیریش‌لرینی سوره‌ب و ساغلیک توصیه‌لرگه دقت قیلیش اوچون اهالینی تشویق قیلیش‌لرینی سوره‌گن.
سونگی پیت‌لرده مملکتده کرونا ویروسی‌گه چلینگن‌لرنینگ سانی کوپه‌یگن بیرحالده، ساغلیق‌نی سقلش وزیرلیگی سرپرستی بو ویروس نینگ ۳- موجی‌دن خواطر بیلدیریب و اهالی دن بوتوغریده دقت قیلیش‌لرینی سوره‌گن.
