تخار مرکزی تالقان شهریده ایکی یوز یاتاق‌لیک کسلخانه نینگ داکترلری و ایشلاوچی‌لری معاش‌لری و امتیازلری نینگ توللنمه‌گنیدن تنقید قیلیب ایتیش‌لریچه، ۴ آی‌دن بویان معاش آلمه‌گنلر.
تخار مرکزی تالقان شهریده ایکی یوز یاتاق‌لیک کسلخانه ایشلاوچی‌لریدن بیری محمد صابرنینگ ایتیشیچه، اوچ آی‌دن بویان معاش آلمه‌گن و قیش موسومی ییتیب-کیلیشی و ییگولیک ماده و آغاچ بهاسی نینگ یوقاری کیتیشی سبب، جدی اقتصادی قیین‌چیلیک بیلن روپه‌ره بولگن.
تخار مرکزی کسلخانه‌سی نرس‌لریدن بیری شمس‌الرحمان نینگ ایتیشیچه، اوشبو کسلخانه ایشلاوچی‌لریدن بیرقطاری جدی اقتصادی قیین‌چیلیک بیلن روپه‌ره بولگنلر و اسلامی امارت داکترلر و ساغلیک ایشلاوچی‌لرنینگ حقوقلرینی توللمه‌گن صورتده، مملکت داکترلریدن کوپ‌قطاری مملکت نی ترک قیلیش‌گه مجبور بوله‌دیلر.
شونینگدیک، تخار ولایتی کسلخانه‌سی نینگ باش طبیبی حفیظ‌الله صافی نینگ آگاه‌لنتیریشیچه، اوشبو کسلخانه داکترلری و باشقه ایشلاوچی‌لری نینگ حقوقلری توللنمه‌گن صورتده، ساغلیک خذمت ییتیشتیریش جریانی‌نی توخته‌تیلیشی ممکن.
عین‌حالده، تالقان ده ایکی یوز یاتاق‌لیک کسلخانه مسوولی قاری برکت‌الله عمار نینگ ایتیشیچه، داکترلر و ساغلیک ایشلاوچی‌لرنینگ حقوقلری خصوصیده بولگن قیین‌چیلیکلر تخار ولایتی بوییچه ساغلیق‌نی سقلش ریاستی بیلن شریک قیلینگن و ایشلاوچی‌لر نینگ حقوقلرینی تیزلیککه بیریلیشی ممکن.
افغانستانده اسلامی امارت حاکم بولگنیدن ایکی آی اوتماقده، لیکن حاضرگه‌قدر دولت ایشلاوچی‌لری آی‌لیک حقوقلرینی قولگه کیلتیرمه‌گنلر.
