واکسین کرونا در افغانستان برای افراد بالای ۱۸ سال تطبیق می‌شود
وزارت صحت می‌گوید، در مرحلۀ نخست برای ۲۰ درصد شهروندان کشور واکسین کرونا تطبیق می‌شود. وحید مجروح، سرپرست این وزارت می‌گوید، از ۵۰۰ هزار دوز واکسین کرونا که از سوی هند کمک شده، در گام نخست کادر درمانی، پس از آن نیروهای امنیتی و در گام سوم خبرنگاران از نخستین کسانی‌اند که واکسین می‌شوند.
به گفتۀ او، در مرحلۀ دوم و سوم بیماران کرونایی، کسانی‌که بیماری‌های مزمن دارند، دانش‌آموزان و آموزگاران مکتب‌ها و دانشجویان و استادان دانشگاه‌ها نیز واکسین کووید ۱۹را دریافت خواهند کرد.
