زابل مملکت نینگ جنوبی ولایت‌لریدن بیری بولیب، آب‌وهوا اوزگریشی و سونگی ییل‌لرده‌گی قورغاقچیلیک باعث اوشبو ولایت دهقان‌لری نینگ ایکین‌لری قوریب و ایچیملیک سوو تنقیص‌لیگی بیلن روپه‌ره بولگنلر.
زابل نینگ بیرقطار اوزاق منطقه‌لر اهالیسی نینگ ایتیشلریچه، ایکین‌لری اوچون سوو ییتیشمسلیگی گه قوشیمچه، یشاوچیلر ایچیملیک سوو ییتیشمسلیک قیینچیلیگی بیلن روپه‌ره بولگنلر.
بیزلرنینگ فیسبوک صحیفه‌میزگه باش اورینگ!
زابل ولایتی اتغر تومنی یشاوچیلریدن حاجی‌ملک و محمدخان نینگ سلام‌وطندار گه ایتیشلریچه، ایچیملیک سوو ییتیشمسلیک قیینچیلیگی بیلن روپه‌ره‌لر، شونی اوچون قطار عایله‌لر یشش اوی‌لرینی ترک قیلیش گه مجبور بولگن و بو جریان دوام ایتماقده.
اتغر تومنی یشاوچیلریدن حاجی‌ملک نینگ ایتیشیچه: «ایچیملیک سوو دن فایده‌لنه آلمه‌یپمیز، قیشلاق‌لر و عایله‌لر ایچیملیک سوو دن فایده‌لنه آلمسلیک‌لری باعث باشقه قیشلاق‌لر گه کوچیب کیتگنلر.»
زابل ولایتی اتغر تومنی یشاوچیلریدن باشقه بیری محمدخان گه کوره: «ییگولیک ماده و ایچیملیک سوو ییتیشمسلیک قیینچیلیگی بیلن دوچ میز، اوچ چقور قودوق بار و سوولری قوریب قالگن، حکومت دن یشاوچیلر گه ایچیملیک سوو ییتکیزیب بیریشنی ایسته‌یمیز.«
زابل محلی مسئوللری نینگ ایتیشلریچه، اتغر تومنی و مذکور ولایت باشقه منطقه‌لر اهالیسی نینگ ایچیملیک سوو بیلن تامینلش مقصدیده سعی‌وحرکت قیلماقده‌لر.
بیزلرنینگ «ایکس» ترماغی ده هم تعقیب قیلینگ!
زابل ترنک دریا حوزه‌وی باشلیغی عبدالکریم ذوالفقار گه کوره: «برچه یشاوچیلر گه بو معمانی وزارت و همکار مؤسسه‌لر بیلن شریک قیلیش دن ایشانچ بیره‌میز، ایچیملیک سوو ییتیشمسلیک قیینچیلیگی بیلن یالغیز اتغر تومنی یشاوچیلری دوچ ایمس بلکه باشقه منطقه‌لر و تومن‌لر اهالیسی ایچیملیک سوو ییتیشمسلیک قیینچیلیگی بیلن دوچ دیر.»
مملکت نینگ قطار ولایت‌لر اهالیسی، قورغاقچیلیک باعث ایکین‌لری قوریب قالیب و ایریم قیینچیلیک‌لر بیلن روپه‌ره بولگن بیر حالده، زابل یشاوچیلری ایچیملیک سوو تنقیص‌لیگیدن نالیماقده‌لر.
