سلاموطندار، یاشلر نینگ خارجی تیللرنی اورگهنیش گه دایر علاقهسینی تېکشیریش اوچون پایتخت کابل شهریده بیش خارجی تیللر تعلیمی مرکزیده ییتّی عیال شامل ۲۹ کیشی بیلن صحبت قیلگن. صحبت اۉتکزگن اوشبو ۲۹ کیشیدن ۱۴ نفری انگلیسچه تیل نی اورگهنیش، ۱۲ نفری جرمنی و اوچ نفری هم روسچه، عربچه و اسپانیا تیللرینی اورگهنیش اوچون سعی-حرکت قیلماقدهلیکلرینی اېتگنلر.
بو گزارش ده صحبت قیلگن ۲۹ کیشیدن، ۲۴ نفری چیتایل گه مهاجر بولیش اوچون خارچی تیللرنی اورگنماقدهلر و بیش نفری ایشلرینی رواجلنتیریش و مهارتلرینی آشیریش مقصدیده خارجی تیل نی اورگهنیش اوچون سعی-حرکت قیلماقدهلیکلرینی معلوم قیلهدیلر. سوراو گه جواب قیترگن ۲۴ کیشی افغانستان نی ترک اېتیش اوچون خارجی تیللر نی اورگهنیش گه یوز کېلتیرگن، ۱۰ نفری تحصیل اوچون، ۱۱ نفری ایش ویزهسینی آلیش و باشقه اوچ نفری هم عایلهلری گه قوشیلیش اوچون بو یولنی تنلهگنلرینی اېتهدیلر.
کابل یشاوچیلریدن حمید رسا و وحیده حاضر جرمنی تیل نی اورگهنیش بیلن مصروف ایتیشلریچه، جرمنی دولتی کوپراق یاشلر گه تحصیل زمینهسینی یرهتگنی اوچون، جرمنی تیل نی اورگهنیب و یرهتیلگن فرصتدن فایدهلنیشنی اېستهیدیلر. رسا نینگ کوپهیتیریشیچه: «جرمنی ده یاشلر اوچون کوپ فرصتلر یرهتیلگن؛ بو تیل نی اورگهنیش اوچون هر آی ۳۵۰۰ افغانی تولهی من؛ حاضر جرمنی تیل نی اورگهنیش اوچون سعی-حرکت قیلهیپمن و جرمنی بارگن حالده او ییرده باشقه اوچ تیل نی اوقیش کېرهک.»
وحیده احمدی گه کوره: «بیلیم یورتلر ایشیگی یاپیلگچ تیل اورگهنیش گه یوز کېلتیردیم؛ جرمنی ده تحصیل گه دوام بیریش اوچون بو تیل نی اورگهنیش نی اېستهی من؛ حاضر جرمنی تیل نی اورگهنیش گه اقدام قیلگن من و باشلهگنیمدن آلتی آی اۉتماقده.»
جرمنی تیل نی اورگهنیش اوچون سعی-حرکت قیلهیاتگن ییگیتلردن باشقه بیری سیدعقل هاشمی نینگ ایتیشیچه، بو یول آرقهلی جرمنی نینگ ایش ویزهسینی قولگه کېلتیریش و بو مملکت گه قانونی شکلده باریش اوچون تلاش قیلماقده. اونینگ کوپهیتیریشیچه: «جرمنی تیل نی اورگهنیش کورسینی باشلهگنیمدن تورت آی اۉتماقده، بو تیل نی اورگهنیشنی اېستهی من و ایش ویزهسینی آلیش اوچون بو تیل کورسینی باشلهگن من؛ بو تیل نی اورگهنیب و یخشی گپیریشنی اېستهی من.»
بیزلرنینگ فیسبوک صحیفهمیزگه باش اورینگ!
کابل یشاوچیلریدن باشقه بیری اکرامالله گه کوره، جرمنی گه قانونی یول بیلن باریش اوچون بو مملکت تیلینی اورگنماقده: «قاچاق طرزده اروپا گه باریش نیتیم یوق؛ بو یول آرقهلی جرمنی گه باریشنی اېستهی من؛ جرمنی ده بیر پروژه بار او ییرده اوچ ییل مسلک اورگهنیش کېرهک و اوندن سۉنگ قرمز پاسپورت آلیب و او ییرده تیریکچیلیک قیلیشینگیز ممکن.»
بیرقطار یاشلر تحصیل اوچون تیل نی اورگهنیش گه قۉشیمچه، عایلهلری گه قوشیلیش نی اېستهیدیلر. بو یاشلردن شکریه نظامی گه کوره: «جرمنی گه باریشنی اېستهی من شونی اوچون بو تیل نی اورگهنیش گه اقدام قیلگن من؛ حاضر جرمنی تیلینی اورگهنیش اوچون سعی-حرکت قیلهیپمن؛ چونکه او ییرده ایشلش و عایلهم گه قوشیلیش اوچون یاردم بیرهدی.»
عینحالده، بو گزارش ده صحبت قیلگن یاشلردن بیش نفری خارجی تیل نی مهارتلرینی آشیریش و ایشلرینی رواجنلتیریش اوچون اورگهنیش گه اقدام قیلگنلرینی معلوم قیلهدیلر. اولر نینگ ایشانچی گه کوره، خارجی بیر تیل نی اورگهنیش ایشنی رواجلنتیریش اوچون یاردم بیرهدی.
بیزلرنینگ «ایکس» ترماغی ده هم تعقیب قیلینگ!
سوداگر تنویراحمد رحیمی، چیت ایل دهگی شریکلری بیلن یخشی علاقه قوریش اوچون انگلیسچه تیل نی اورگهنیش گه اقدام قیلگن. اونینگ ایتیشیچه: «انگلیسچه تیل کورسینی باشلهگنیمدن بیر ییل اۉتماقده؛ چونکه ایشیمیز تجارت دیر و تجارت اوچون انگلیسچه تیل نی اورگهنیش کېرهک تجارت نی رواجلنتیریش گه یاردم بیرهدی؛ چیت ایللیکلر بیلن علاقهمیز بار شونی اوچون بو تیل نی اورگهنیش گه اقدام قیلگن من.»
احمد ضیا احمدی، حیاتی یخشیلنیشی و زمانهوی تکنالوژی دن یخشی قوللنیش اوچون انگلیسچه تیل نی اورگهنیش گه یوز کېلتیرگن. اونگه کوره: «بو تیل نی اورگهنیشدن مقصد مهارتلریمنی آشیریش دیر، انگلیسچه تیل نی باشقه تیللر یانیده اورگهنیش مهم دیر؛ انگلیسچه دنیا مقیاسیده سۉزله شیلهدیگن تیل دیر، خارجی تیللر اینیقسه انلگلیسچه نی بیلگن کیشی تېزلیک بیلن ایش تاپیشی ممکن.»
خارجی تیللر تعلیمی مرکزلر مسئوللری نینگ ایتیشلریچه، کوپینچه اوقووچیلری اینیقسه یاشلر، افغانستان نی ترک اېتیش، باشقه بیرقطاری مهارتلرینی آشیریش مقصدیده خارجی تیللرنی اورگهنیش گه اقدام قیلگنلر.
کابل شهرنو ده کابل-اکسفورد خارجی تیللر تعلیمی مرکز نینگ مدیر مسئولی نوید غفوری و کابل شهری قلعه فتحالله بیرینچی سرکی ده شهز زبانها تعلیمی مرکز نینگ مدیر مسئولی نویدالله صمدی نینگ ایتیشلریچه، اوقووچیلریدن ۹۵ فایزی مملکت نی ترک اېتیش اوچون خارجی تیللردن بیرینی اورگهنیشنی اېستهیدی.
غفوری نینگ کوپهیتیریشیچه: «اوقووچیلریمیز نینگ قریب ۹۰ فایزی ۲۰ دن ۲۵ یاشر دیر؛ بو ییر تجارتی منطقهدیر و برچه اوقووچیلریمیز تجارت بیلن مصروف و مراجعت قیلهدیگنلر نینگ ۹۵ فایزی چیت ایل باریشنی اېستهیدیلر.»
شهر زبانها تعلیمی مرکز مسئولی گه کوره: «بو تیل نی اورگهنیشلریدن مقصد ایش یا که تیریکچیلیک قیلیش اوچون چیتایل باریش دیر؛ اوقووچیلردن کوپینچهسی عیاللر دیر اولر عایلهلری یا که تورموش اورتاقلری گه قوشیلیش اوچون تیل اوقیماقدهلر.»
جمهوریت تېزیمیده کوپینچه یاشلر خارجی تیل نی اورگهنیش گه کوپراق اقدام قیلیب و تعلیمی مرکزلر کابل و باشقه ولایتلرده آچیلدی؛ بیراق سۉنگی اوچ ییلده مرکزلر و اوقووچیلر رقمی ده قنچهلیک فرق کېلگن بیللی اېمس.
بو گزارش ده افغانستان بویلب خارجی تیللر تعلیمی مرکزلری و اوقووچیلر سانینی اورگهنیش اوچون سعی-حرکت قیلدیک؛ بیراق معارف وزیرلیگی بوتوغریده ایضاح کېریتمهدی.
