سلاموطندارنینگ معلوماتلری شونی کورستهدی کی، سۉنگی ییللرده یاشلرنینگ سیزیلرلی قسمی مستقل کسبلرده فعالیت یوریتیشگه قیزیقیشی آشگن. اوشبو گزارشده مملکتنینگ ۱۷ ولایتیدهگی یاشلرنینگ ایش فعالیتینی اورگهنیش مقصدیده، حاضرده مستقل کسبلرده ایشلهیاتگن ۳۲ یاش (۱۲قیز و ۲۰ اوغیل) بیلن صحبت اوتکزیلگن.
اوشبو گزارش معلوماتلری شونی کورستهدی کی، بو یاشلر تورلی ساحهلرده فعالیت یوریتیشهدی، سودا و چکنه ساتویی (آنلاین ساتو، سومکه، دارو و موبایل ساتیش)، صناعت، قول توقیمه و ایشلب چیقریش (صناعت ایشلری، زرگرلیک، اوستاخانه ایشلری)، مارکیتینگ و ریکلام همده تصویر گه آلیش خذمتلریده.
اوشبو یاشلرنینگ ایتیشیچه، مستقل ایش بیلن شغللنیش گه قوییدهگیلر سبب بولگن؛ ایرکین حرکت قیلیش امکانیتی، شخصی رواجلنیش امکانیتی، وقت و تعطیل چېکلاولرینینگ یوقلیگی، قرار قبول قیلیشده مستقللیک و معلوم درجهده درآمد آلیش امکانیتی.
کابللیک ۳۴ یاشر مرسل گه کوره، اقتصاد فاکولتهسینی تماملهگچ و دوستلرینینگ رسمی ایش تاپیشده موفقیتسیلیگینی کوریب، مستقل کسب ساحهسیگه قدم قوییشگه قرار قیلگن.
او حاضر آنلاین ایش بیلن شغللنماقده و مستقل کسب گه بولگن قیزیقیشی حقیده شوندهی دیېدی: «مین آنلاین سودا ساحهسیده ایشلهی من، چونکه ایشیمنی باشقریش و ایجادکارلیک امکانیتیگه ایگه بولیشنی خواهلهی من. مستقل ایش کوپراق ایرکینلیک بیرهدی، وقتیمنی اوزیم بیلگیلهی من، اداره چېکلاولری یوق. شونینگدیک مستقل ایشده شخصی اوسیش و رواجلنیش امکانیتی هم کوپراق. اوتگن ییلی مین آنلاین سودا صحیفهسینی ایشگه توشیردیم و کییم-کیچک، بیزهک بویوملری کبی کیچیک محصولاتلرنی ساتهمن.»
باشقه تاماندن، کنر یشاوچیسی ۲۶ یاشر عبدالله، او ۱۰ ییلدن بیری آزیق-آوقت سوداسی ساحهسیده فعالیت یوریتماقده، دستلب عایله قرشیلیگی و سرمایه یېتیشمسلیگی بیلن دوچ بولگن؛ بیراق حاضر اوشبو ساحهدهگی درآمدی آشگنی سببلی دولت ادارهلریده ایشلشگه قیزیقمسلیگینی اېتهدی.
او شوندهی دیېدی: «مین دایما شخصی ایش بیلن شغللنیشنی یاقتیرهمن. رسمی یا که اداری ایشلرده کوپلب چېکلاولر بار. ضرورت پیتیده اوز بخت و قیغوگه اعتبار قرتیب بولمهیدی؛ ایرتهلب ساعت ۸ ده ایشگه کیلیب، عصر پیتی ساعت ۴ گه قدر کیتیشینگیز کېرهک. دم آلیش امکانیتی یوق، شو سببلی اداری ایشلرگه قیزیقمهی من. اگر دولت ادارهلریدن ایش تکلیفی هم بولسه، شخصی ایشیمنی ترک اېتمهی من؛ چونکه دولت وظیفهلریده چېکلاولر کوپ و معاشی کم.»
غورلیک ۲۲ یاشر سمیه، مدیریت بولیمیده تحصیل آلگن، مستقللیکه ایگه بولیش، ایشینی آشیریش و مستقل کسب گه کیریشینینگ اساسی مقصدی دیب بیلهدی. او ایجادکارلیک، ایرکین حرکت قیلیش امکانیتی و بو ایشنینگ شخصی روحیتی بیلن ماس کیلیشینی مستقل ایشنی رسمی ایشگه نسبتن افضل کوریشینینگ سببلریدن بیری صفتیده تیلگه آلهدی. او شوندهی دیېدی: «مین دیزاین و صناعت ایشلری بیلن شغللنهمن. مینینگ انگیزهم صناعت گه ایریشیش و اۉز قابلیتیم صناعت گه ایریشیش و اۉز قابلیتلریم همده ایجادکارلیگیمنی نمایش قیلیش اېدی. مین اساسن صناعت و تعلیم ایشلری بیلن شغللنیشنی یاقتیرهمن، چونکه بو مینینگ شخصی روحیتیم و قیزیقیشلریمگه ماس کېلهدی. مکتب دوریدن باشلب کیچیک ایشلردن باشلهدیم، حاضر اېسه جوده کتته لایحهلرنی عملگه آشیرماقده من.»
باشقه تاماندن ننگرهارلیک ۲۴ یاشر نوید گه کوره، مستقل ایشگه قیزیقیشی ۱۶ یاشدن پیدا بولگن و حاضر ایکی ساحهده فعالیت یوریتماقده. او مملکتده رسمی ایش تاپیشنینگ قیین شرایطینی مستقل کسبلر گه یونهلتیریشنینگ اساسی سببلریدن بیری دیب بیلهدی. اونینگ ایتیشیچه: «مین مارکیتینگ ساحهسیده فعالیت یوریتهمن و شونینگدیک، اوییمدن آنلاین طرزده بیر ویبسایت بیلن همکارلیک قیلهمن. افغانستان – ایش تاپیش جوده قیین بولگن مملکت، خواه خصوصی، خواه دولت ساحهسیده بولسین. بیر ایش اعلان قیلینسه، ایکی-اوچ مینگ کیشی رویخطدن اوتهدی. بو حالت جوده افسوسلنرلی و شوندهی شرایطده ایش تاپیش جوده قیین. مینیمچه، هر بیر کیشی بازار احتیاجلرینی حسابگه آلیب، اۉز فکری و ایجادکارلیگی بیلن ایش یرهتیشی کېرهک.»
یاشلرنینگ مستقل کسبلرده ایریشگن موفقیتی هېچ قیینچیلیکسیز بولمهگن؛ اولر یېترلی سرمایه یوقلیگی عایله تامانیدن قۉللب-قوتلنمسلیک، تجربهسیزلیک و مجاز تاپیشدهگی قیینچیلیکلر کبی معمالر بیلن دوچ کیلیشگن. شونگه قرهمی، اوشبو گزارشده اورگهنیلگن یاشلرنینگ برچهسی، باشلنغیچدن موفقیت گه ایریشگنلرگچه، مستقل ایشگه نسبتن ایجابی قرهش و تولیق قانیقیش حسینی بیلدیرهدی.
کابللیک ۲۵ یاشر زینب، بیش ییل دوامیده خصوصی مکتبلردن بیریده اوقیتووچیلیک قیلگن، بو بارهدهگی تجربه و قیینچیلیکلری حقیده شوندهی دیېدی: «مین بیر نیچه ییل دوامیده خادم بولیب، ایشلهدیم و سۉنگی ییللر مینگه زیریکرلی بوله باشلهدی، چونکه حیاتیم و ایشیمدن ذوقلنمسدیم. شو سببلی مستقل ایشنی تنلشگه قرار قیلدیم. عایلهم قۉللب-قوتلمهدی و سلبی مناسبت بیلدیردی.»
اقتصاد شناس احمد ولی سازشنینگ ایتیشیچه، یاشلر آرهسیدهگی مستقل ایش فعالیتی مملکتنینگ اساسی اقتصادیاتیگه ایجابی تأثیر کورسهتیشی ممکن. او یاشلر آرهسیده بوندهی ایش تورلرینینگ کېنگهیشینی ایشسیزلیکنینگ کمهیشیگه سبب دیب بیلهدی و شوندهی دیېدی: «یاشلرنینگ مستقل ایش فعالیتی اقتصادیات گه جوده ایجابی تأثیر کورسهتیشی، یلپی ایچکی محصولاتیمیزنی آشیریش امکانینی بیرهدی. بو GDP گه یاردم بیرهدی، چونکه مملکتده ایشلهیدیگن آدملر سانی آرتهدی، ایشسیزلیک کمیهدی و GDP حجمی آشهدی. اگر دولت قۉللب-قوتلسه رقملی تیزیم موجود بولسه، بانک تیزیمی یخشی ایشلسه، خصوصی سکتور قۉللب-قوتلنسه و رقابت شکللنسه، مستقل ایش بازاری مهم روله اوینهشی ممکن.»
شو بیلن بیرگه، باشقرو و جمعیت سیاستی بوییچه متخصصلرنینگ ایتیشیچه، ایچکی خوفسیزلیک یخشیلنگن سری، یاشلر بندلیگی قسماً محنت بازاری احتیاجلریگه ماسلشگن، اما هلی هم سیزیلرلی تفاوتلر موجود.
بیلیم یورت استادی و باشقرو همده جمعیت سیاستی بوییچه متخصص سردار محمد ساعی، وضعیتنی یخشیلش اوچون تعلیملر مقصدلی بولیشلی و یاشلر سیاستلرنی ایشلب چیقیشده فعاللراق رول اوینشلری کېرهک.
او شوندهی دیېدی: «خوفسیزلیک یخشیلنیشی بیلن یاشلر اقتصادی فعالیت و ایش تاپیش امکانیتلرینی کوپراق قولگه کیریتدیلر. افغانستان حکومتینینگ یاشلر بندلیگینی تأمینلش بوییچه قۉللب-قوتلاوچی دستورلری قسماً محنت بازاری حقیقتلریگه ماس کېلهدی، بیراق هلی هم سیزیلرلی تفاوتلر موجود. تکلیفلر قوییدهگیچه بولیشی ممکن، تخنیک و کسبی تعلیملرنی مقصدلی قیلیش، اقتصادی انفرهتوزیلمهنی کوچهیتیریش و یاشلر سیاستلرنی ایشلب چیقیشده اشتراک ایتّیریش.»
برچهسی بیلن، سرپرست حکومت ایش و اجتماعی ایشلر وزیرلیگی سۉزلاوچیسی سمیعالله ابراهیمینینگ ایتیشیچه، اوشبو وزیرلیک یاشلرنینگ مستقل ایشده پروفیشنل بولیشی و محنت بازارینی یخشیلش مقصدیده تورلی ولایتلرده دستورلرنی عملگه آشیرگن.
اونینگ ایتیشیچه: «مستقل ایش بیلن شغللنهیاتگن وطنداشلر شونی مقصد قیلهدی کی، کېلهجکده محنت بازاریده یخشی ایشگه ایگه بوله آلسین. مملکتنینگ برچه ولایتلریده اوشبو مرکزلر فعالیت یوریتماقده. اوتگن ییلی محنت و اجتماعی ایشلر وزیرلیگی ۴۰ مینگدن آرتیق وطنداش گه تورلی ساحهلرده تخنیک تعلیم بیریش امکانیتینی یرهتگن، بو اېسه محنت بازاری احتیاجلریگه ماس کېلهدی. شو آرقهلی محنت و اجتماعی ایشلر وزیرلیگی وطنداشلر اوچون اوشبو ساحهده خذمت کورسهتیشگه حرکت قیلماقده، شونده کېلهجکده اولر ایش بیلن تأمینلنیش امکانیگه ایگه بولیشهدی.»
تأکیدلش جایزکه، اوشبو یاشلر مستقل ایشگه بولگن قیزیقیش و قانیقیشلرینی بیلدیرهیاتگن بیر وقتده، خلقارا محنت تشکیلاتی قویاش ۱۴۰۳-ییلده خلقارا محنتکشلر کونی ۱-می مناسبتی بیلن اعلان قیلگن گزارشده ایتیشیچه، ایشسیزلیک درجهسی و ایشدن اوزیلیشلر کرونا ویروسدن آلدینگی حالت گه نسبتن آشگن.
