سلاموطندار اجتماع دهگی داوطلبلیک فعالیتلرده یاشلر نینگ اشتراکینی تېکشیریش اوچون ۱۶ ولایتده ۷۰ قیز و ییگیت بیلن صحبت اۉتکزگن، اولر نینگ ایتیشلری گه قرهگنده یاشلر نینگ اجتماع دهگی برنامهلرده اشتراک اېتیش رقمی کمهیگن و سۉنگی اوچ ییلده یالغیز بیر کیشی بو گَل برنامه ده قتنشگن.
سلاموطندار کابل، پروان، لوگر، بدخشان، کاپیسا، غزنی، ننگرهار، میدانوردک، بلخ، لغمان، پنجشیر، قندوز، جوزجان، هرات، فاریاب، غور و بامیان ولایتلریده قیز و ییگیتلر بیلن صحبت قیلگن.
کاپیسالیک ملیحه، سۉنگی اوچ ییلده اجتماع دهگی داوطلبلیک فعالیتلرده اشتراک اېتگن ایتیشیچه، عیاللر گه یرهتیلگن چېکلاولر گه اعتبار بیرمسدن اجتماع دهگی داوطلبلیک فعالیتلر گه اشتراک اېتیشی گه دوام بیرگن. اونگه کوره: «اسلام امیرلیگی ساحه گه کېریش اوچون بیز گه اصلا رخصت بیرمسدی؛ لېکن برچه قیینچیلیکلر گه اعتبار بیرمسدن محتاج کیشیلرنی قۉللب-قوتلش گه دوام بیردیک؛ ایشیمیزدن جوده هم راضیمیز.»
اوشبو گزارش ده صحبت قیلگن ۷۰ یاش دن، ۲۹ قیز و ۱۵ ییگیت شامل ۴۴ نفری، اجتماع دهگی داوطلبلیک فعالیتلرده اشتراک اېتمهگنلرینی اېتگنلر.
گزارش ده صحبت قیلگن قیز و ییگیتلر نینگ ۲۵ نفری، جمهوریت توزومیده اجتماع دهگی داوطلبلیک فعالیتلرده اشتراک اېتیشلرینی معلوم قیلگن؛ بیراق سۉنگی اوچ ییلده یرهتیلگن چېکلاولر باعث بو گَل برنامهلرده اشتراک اېتیش اوچون هېچ انگیزهلری قالمهگنینی بیلدیرگنلر.
بو یاشلر، اجتماع دهگی داوطلبلیک برنامهلر حقیده آگاهیسیزلیک، جمعیت دهگی کیشیلر تامانیدن قۉللب-قوتلنمسلیگی و یرهتیلگن چېکلاولر نی اجتماع دهگی داوطلبلیک فعالیتلرده اشتراک اېتمسلیک عاملی عنوان قیلگنلر.
بدخشانلیک عوضخان نینگ ایتیشیچه، سۉنگی اوچ ییلده یرهتیلگن چېکلاولر طفیلی داوطلبلیک برنامهلرده اشتراک اېتمهگن. اونینگ کوپهیتیریشیچه: «حاضرگی شرایط؛ بو کبی برنامهلر اوستیگه تأثیر قویگن. اۉتمیش ده اجتماعی برنامهلر قیز و ییگیتلر تامانیدن یولگه قوییلیب و تأثیری هم کوپ اېدی؛ بیراق حاضر بو گَل اېمس و بوندهی برنامهلر کمرنگ بولگن.»
بیزلرنینگ فیسبوک صحیفهمیزگه باش اورینگ!
هراتلیک آرزو، اجتماع دهگی داوطلبلیک برنامهلرده اشتراک اېتیشدن واز کیچگن ایتیشیچه: «سرکلرده بیزاوته قیلیش، قیز و ییگیتلر نینگ ایشلریده فرق قایل بولیش، ییگیتلر گه نسبتن قیزلر بو کبی برنامهلر ده اشتراک اېتمسلیکلری گه سبب بولگن؛ شرایط اجتماعی فعالیتلر گه تأثیر قیلگن شونی اوچون سۉنگی ایکّی ییلده اجتماع دهگی هېچ داوطلبلیک برنامه ده اشتراک اېتگنیم یوق.»
اجتماع دهگی داوطلب برنامهلرده اشتراک اېتمهگنلردن بیرقطاری نینگ ایتیشلریچه، بو گَل برنامهلرده قتنهشیش گه علاقهمند بولسهلرده؛ لېکن آگاهیسیزلیک و عایلهلری تامانیدن یرهتیلگن چېکلاولر باعث حصه قوشه آلمهگنلر.
کابل یشاوچیسی محمدالله، اجتماع دهگی داوطلبلیک برنامهلرده اشتراک اېتیش گه اشتیاقی بولسه ده؛ بیراق حاضرگچه اشتراک اېتیش فرصتی یرهتیلمهگنینی اېتهدی.
اونگه کوره: «اجتماع دهگی داوطلبلیک هېچ برنامه ده اشتراک اېتگنیم یوق؛ چونکه فرصت یرهتیلمهگن؛ حاضر بو کبی برنامهلرده اشتراک اېتیشنی اېستهی من.»
بیزلرنینگ «ایکس» ترماغی ده هم تعقیب قیلینگ!
ننگرهارلیک نگین نینگ ایتیشیچه: «عایلهم بو کبی برنامهلرده اشتراک اېتیشیمنی اېستمهیدیلر؛ چونکه بو برنامهلر حقیده آگاهیلیکلری یوق، قندهی بولیب اۉتهدی و محفوظ می یوق اۉزیم بو کبی برنامهلرده اشتراک اېتیش گه اشتیاقیم کوپ دیر.»
گزارش ده صحبت قیلگن ۷۰ کیشی دن بیش نفری، اجتماع دهگی داوطلبلیک برنامهلردن خبرلری یوقلیگینی اېتگنلر.
پنجشیر یشاوچیسی اجمل گه کوره: «محتاج کیشیلر گه یاردم کورسهتیلیش بو کبی برنامهلردن خبریم یوق اېدی؛ محتاجلر گه یاردم کورسه تیلهدیگن بو گَل برنامهلر یخشی دیر.»
اجتماعی ایش بیلرمانلردن بیرقطاری، اجتماع دهگی داوطلبلیک برنامهلرده یاشلر نینگ اشتراک اېتیشینی مهم بهالب ایتیشلریچه، بو کبی برنامهلرده اشتراکچیلر نینگ سانی کمهیشی، اجتماعی یامان عاقبتی بولیشی ممکن.
اجتماع دهگی ایش بیلرمانلردن راشد صدیقی نینگ ایتیشیچه، اجتماعی چېکلاولر بیکار قیلینیشی و اهالی آگاهلنتیریلیشی بیلن، اجتماع دهگی داوطلبلیک برنامهلرده یاشلر نینگ علاقهسی کوپهیشی ممکن. اونگه کوره: «جمعتیمیزده کوپینچه ایشلر عیال و ایرککلر اۉرتهسیده بولینگن که خطا دیر. چېکلاولر سلبی تأثیر قوییشی ممکن.»
اجتماع دهگی داوطلبلیک برنامهلرده اشتراک اېتیش حقیده آگاهیلیک بیریش و اشتراک اېتیش زمینهسی یرهتیلیشی خصوصیده معلومات و مدنیت وزیرلیگی نینگ فکر-ملاحظهسینی اورگنیش اوچون کوپ سعی-حرکت قیلدیک، لېکن موفق بولمهدیک.
برچهسی بیلن، کابل بلدیهسی سۉزلاوچیسی نعمتالله بارکزی نینگ ایتیشیچه، مذکور اداره سۉنگی اوچ ییلده کابل شهرینی تمیزلش اوچون نیچه مراتبه اجتماعی داوطلبلیک برنامه یولگه قویگن، بو برنامه ده قریب ایکّی مینگ ییگیت اشتراک اېتگنلر. «تورلی ساحهلرده اشتراک اېتیش بیر عادت گه اۉزگرهدی؛ بوتوغریده تورلی ایلتلردن یاشلر بیز بیلن همکارلیک قیلماقدهلر.»
افغانستانده اجتماع دهگی برنامهلرده یاشلر نینگ اشتراک اېتیش فرهنگی نهادینه بولمهگن بیرحالده، یاشلر نینگ بو کبی برنامهلرده اشتراک اېتیش رقمی کمهیگنی اېتیلهدی.
مملکتلرده اهالی، جمعیتدهگی کمچیلیکلرنی حل قیلیش اوچون اجتماع دهگی داوطلبلیک برنامهلر یولگه قوییلیشی و نهادینه بولیشی جدی بیر نیاز سنلهدی. بیراق بو فرهنگ افغانستانده حاضرگه قدر نهادینه بولمهگن.
