افغانستان ده بیرلشگن ملتلر تشکیلاتی باله‌لردن حمایت قیلووچی صندیغی نینگ اعلام قیلیشیچه، اروپا بیرلشمه‌سی افغانستان ده توییب آوقتلنمسلیککه چلینگنلر نینگ دوالنیشی و تعلیم زمینه‌سی یره‌تیلیشی مقصد، ۱۳ میلیون یورو یاردم بیره‌دی.
اوشبو نهاد اوتگن کون (یک‌شنبه، ۴-سنبله)، اوز وبسایتی‌ده بیر اعلامیه آرقه‌لی یازیشیچه، ۸۷ مینگ‌دن آرتیق باله نینگ آوقتلنیش و تعلیم اوچون اضافی مالی یاردم‌لردن فایده‌لنیشی ممکن.
بیزلرنینگ فیسبوک صحیفه‌میزگه باش اورینگ!
یونیسف نینگ کوپه‌یتیریشیچه، ایکی ییل‌لیک بیر دوره‌ده‌گی اوشبو یاردم‌لر بیلن افغانستان نینگ ۲۷ ولایتی‌ده ۶۹ مینگ باله گه توییب آوقتلنمسلیک دوالنیشی خذمتلری و تورت ولایت‌ده ۹ مینگ ۵۰۰ باله و یاش ییگیت گه جمعیت اساسیده تعلیمی خذمتلر نینگ ارائه بولیشی ممکن.
یونیسف نینگ گزارشی‌ده کیلیشیچه، مذکور یاردم ارائه بولینیشی بیلن ۶۲ مینگ طبی آزیق-آوقت پاکتلری نی تیارلب و بیر یاش نی تولدیرمه‌گن باله‌لر آره‌سیده جدی توییب آوقتلنمسلیککه چلینگنلرنی دوالنیشی اوچون بیر مینگ ۶۰۰ ساغلیق بولیمی ایشلاوچیسی نینگ تعلیم بیریلیشی ممکن.
بیزلرنینگ «ایکس» ترماغی ده هم تعقیب قیلینگ!
مذکور نهادگه کوره، بو یاردم بیلن جمعیت اساسیده تعلیم کیفیتی ۲۷۵ تعلیمی صنف‌ده یخشی‌لنیب، ۶۱ فایز قیز شامل توقیز مینگ ۵۰۰ باله تعلیم‌دن فایده‌لنه‌دی.
افغانستان ده بیرلشگن ملتلر تشکیلاتی باله‌لردن حمایت قیلووچی صندیغی نینگ اورغولشیچه، جاری میلادی ییل‌ده افغانستان ده ۲۳ میلیون ۷۰۰ مینگ کیشی انسان‌پرورلیک یاردم‌لر گه نیازی بار و ایکی میلیون ۹۰۰ مینگ باله نینگ جدی توییب آوقتلنمسلیک بیلن روپه‌ره بولیشی پیش‌بینلیک بولگن.
