هرات ده افغانستان و ایران نینگ سکیزینچی مخصوص کورگزمه‌سی، «هرات ده ایران سوداگرلیک فرصت‌لری» اسمی آستیده، بوگون (پنجشنبه، ۲۹-سرطان) یولگه قوییلیب و تورت کونگچه دوام تاپیشی ممکن.
مذکور کورگزمه‌ده افغانستان و ایران دن اشتراک قیلگن شرکت‌لر، محصوللری جمله‌دن ییگولیک ماده‌‌لر، پلاستیک، آشخانه وسیله‌لری، دارو، رنگ، آلومینیوم و پولاد نی ۲۰ غرفه‌ده نمایش گه قویگنلر.
مذکور کورگزمه نی یولگه قویگن علی خاکسار نینگ ایتیشیچه، اوشبو کورگزمه نینگ یولگه قوییگنی‌دن مقصد، افغانستان و ایران سرمایه یاتقیزوچیلری و سوداگرلری آره‌سیده سوداگرلیک رابطه‌لر نینگ کینگه‌یتیریش دیر.
بیزلرنینگ فیسبوک صحیفه‌میزگه باش اورینگ!
خاکسار نینگ کوپه‌یتیریشیچه: «ایران افغانستان ده تولیدی چیزیغ‌لر نینگی یولگه قوییش ایسته‌یدی. افغانستان ده صناعتی شهرچه‌لر گه توجه قیلیش بیلن، افغانستان بیلن قوشمه تولید امکانیتی گه ایگه‌میز و ایران توار صادر قیلیش ایستمه‌یدی؛ بلکیم هرات ده تکنالوژی و ایش‌خانه‌لر ایجاد قیلیش نی ایسته‌یدی.»
هرات ده ایران کنسول‌گرلیگی مسئولی نینگ ایتیشیچه، ایران سوداگرلری و سرمایه یاتقیزووچیلری آرقه‌لی افغانستان تولید‌لری و بازاری نینگ تانیش، حاضرگچه کوریلمه‌گن ظرفیت‌لر نینگ کوریلیشی گه سبب بولیشی ممکن.
هرات ده ایران باش کنسولی محمد صدیقی‌فر نینگ ایتیشیچه: «ایران ده بولگن بویوک اقتصاد گه قره‌گنده، اوشبو کورگزمه‌لر بلکیم مذکور ظرفیت‌لر نینگ انعکاس بیرمه‌یدی؛ بیراق اوشبو کورگزمه‌ده بویوک و تخصصی‌راق کورگزمه‌لر نینگ اوچون یول آچیلیشی کوتیب تورگن‌میز.»
هرات سوداگرلیک و سرمایه یاتقیزوچی اتاق اورین‌باسری سعید صدیقی نینگ ایتیشیچه، بو کبی کورگزمه‌لر نینگ یولگه قوییش بیلن، افغانستان ایران آره‌سیده سوداگرلیک رابطه‌لر رواجلنه‌دی.
بیزلرنینگ توییترده هم تعقیب قیلینگ!
صدیقی نینگ کوپه‌یتیریشیچه: «افغانستان نینگ صناعتی بیر ولایتی‌ده کورگزمه یولگه قوییلگنی پیتده، افغانستان و ایران صناعت‌چیلری نینگ تانیش و شونینگدیک مصرف قیلووچیلر اوچون یخشی بازار یره‌تیله‌دی. ییل‌ده بو کبی کورگزمه‌لر نینگ یولگه قوییلیشی کوپه‌یسین.»
مذکور کورگزمه‌ده اشتراک قیلگن افغانستان و ایران سوداگرلری نینگ ایتیشلریچه، بو کبی کورگزمه‌لر نینگ یولگه قوییلیشی، ایکی مملکت آره‌سیده مدنیت و اقتصادی رابطه‌لر ترقیاتی گه یاردم بیره‌دی.
ایران سوداگرلریدن حسن محرابی نینگ ایتیشیچه: «کورگزمه ایشلب چیقرووچیلر و صادر قیلووچیلر اوچون بیر فرصت دیر. کورگزمه‌لر یوز‌ده یوز تاثیر قویه‌دی و بیر بیری‌میز نینگ توارلری‌میز نی کوریش اوچون شرایط یره‌ته‌دی.»
ایتیش کیره‌ک که، شونینگدیک بوندن آلدین هم هرات ده بو کبی کوگزمه‌لر یولگه قوییلگن دیر.
