بیرلشگن ملت‌لر تشکیلات نینگ خوفسیزلیک کینگشی شنبه کونی ۱۹-قوس، بیر قطع‌نامه نی تصویب قیلدی که اونینگ اساسیده، خلق‌ارا نهاد‌لردن برچه‌سی تحریم آستیده‌گی مملکتلر گه انساندوستلیک یاردم‌لری نی دوام بیریشلری ممکن.
افغانستان، سوریه و میانمار بیرلشگن ملت‌لر تشکیلاتی نینگ سیاسی تحریم‌لری آستیده قرار تاپگن مملکت‌لردن دیر.
اقتصاد وزیرلیگی سوزلاوچیسی عبدالرحمان حبیب مذکور قطع‌نامه تصویبیدن خورسند‌لیک بیلدیریب و خلق‌ارا تشکیلات‌لردن، حکومت و تیگیشلی نهادلر هماهنگ‌لیگی بیلن اوز یاردم‌لری نی نیازمند‌لر گه ترقه‌تیشلری نی ایسته‌گن.
بیزلرنینگ توییترده هم تعقیب قیلینگ!
اونینگ ایتیشیچه: «اقتصاد وزیرلیگی اوشبو قطع‌نامه نینگ تصویبیدن خورسند‌لیک بیلدیره‌دی و اوشبو فعالیت‌لر وزیرلیک‌لر و تیگیشلی ادارخ‌لر نینگ هماهنگ‌لیگی‌ده انجام تاپگنی صورت‌ده، اقتصاد خصوصیده کوپراق فایده ییتکزیشی ممکن.»
باشقه بیرتاماندن، اقتصادی مسئله‌لر بیلرمانی بهمن یوسفی نینگ ایتیشیچه، مذکور قطع‌نامه نینگ تصویبی و افغانستان گه انساندوستلیک یاردم‌لر نینگ دوامی، آز مدت‌گچه فایده‌لی بولیشی ممکن و انسانی قیین‌چیلیک‌لر نینگ اورته گه کیلیشی‌دن توسیق بوله‌دی؛ بیراق کوپ مدت‌لی قشاق‌لیک نینگ کمه‌یشی اوچون فایده‌لی ایمس.
اونینگ سلام‌وطندار گه ایتیشیچه: «انساندوستلیک یاردم‌لر یالغیز عاجل وضعیت‌لر نی کنترول قیلیشی ممکن و اساسی شکلده، بیر ایش قیله آلمه‌یدی و مذکور قطع‌نامه نینگ تصویبی، ایش‌لر نینگ پروسه‌سی نی آسان‌لنتیریشی ممکن.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اقتصادی ایش بیلرمان‌لردن بهیر زلاند نینگ ایتیشیچه، اوشبو قطع‌نامه تصویبی افغانستان یشاوچیلری اوچون یخشی بیر خبر دیر و انساندوستلیک یاردم‌لر دوامی، انسانی فاجعه‌دن توسیق بولیشی ممکن؛ بیراق اوشبو یاردم‌لر کوپ مدت‌گچه افغانستان دهگی قیین‌چیلیک‌لر نی حل قیله آلمه‌یدی.
جناب زلاند نینگ کوپه‌یتیریشیچه: «افغانستان اوچون رواج‌لنگن مملکتلر یاردمی، فاجعه‌دن توسیق بولیشی ممکن؛ لیکن اقتصادی قیین‌چیلیک‌لر نی دایمی بیر شکلده حل قیله آلمه‌یدی.»
عین حالده، خلق‌ارا یاردم بیرووچی نهادلر آماری اساسیده، حاضر افغانستان یشاوچیلریدن ۹۷ فایزی قشاق‌لیک چیزیغی آستیده دیر و اوشبو مملکت جمعیتی‌دن یریمی‌دن آرتیغی، حیات‌ده قالیش اوچون انساندوستلیک یاردم‌لر گه نیازلری بار.
