اروپا اتفاقی نینگ تشقی سیاست مسئولی جوزپ بورل، بوگون (چهارشنبه، ۳۰ قوس) اوز توییتری ده، طلبه قیزلر نینگ تعلیمینی توخته‌تیش گه دایر اسلام امیرلیگی تامانیدن آلینگن قرارنی قاره له‌گن.
جناب بورل، طلبه قیزلر نینگ تعلیمی توخته‌تیلیشی خصوصیده اسلام امیرلیگی نینگ قرارینی قاره‌لشگه قوشیمچه، بو قرار دنیا مقیاسیده مثل‌سیز دیه بیان قیلگن.
بیزلرنینگ فیسبوک صحیفه‌میزگه باش اورینگ!
اروپا اتفاقی تشقی سیاست مسئولی نینگ تأکیدلشیچه، مذکور اتحادیه افغانستانده طلبه قیزلر نینگ تعلیمی توخته‌تیلیشی گه دایر اسلام امیرلیگی نینگ قرارینی قتیق روشده قاره له‌یدی.
اونینگ کوپه‌یتیریشیچه: «دنیا مقیاسیده بو مثل‌سیز حرکت دیر که افغان‌لر نینگ حقوقی و خواست‌لرینی نقض قیلیب و عیاللرنی جمعیت گه یاردم بیریشیدن محروم قیله‌دی.»
بیزلرنینگ توییترده هم تعقیب قیلینگ!
عین‌حالده عالی اوقوو وزیرلیگی، طلبه قیزلر نینگ اوقیشینی «کیینگی امرگچه» توخته‌تگن. مذکور وزیرلیک اوتگن کون بیر مکتوب آرقه‌لی دولتی و خصوصی برچه بیلیم یورت‌لر گه، طلبه قیزلر نینگ اوقیشینی «تعطیل« قیلیش بویروغینی بیرگن.
طلبه قیزلر نینگ تعلیمی توخته‌تیلیش قراری، ملی و خلق‌ارا مناسبت‌لر بیلن روپه‌ره بولگن.