اروپا قهرمان‌لر لیگی فینالی، بوگون (شنبه، ۲۰ جوزا) انگستان نماینده‌سی منچستر سیتی و ایتالیا نماینده‌سی اینترمیلان جماعه‌لری آره‌سیده، افغانستان وقتی بیلن کیچه ساعت ۱۱:۳۰ ده تورکیه نینگ استانبول شهری ده اوتکزیلیشی کوتیله‌دی.
بیزلرنینگ فیسبوک صحیفه‌میزگه باش اورینگ!
منچستر سیتی و اینترمیلان جماعه‌لری، بو کیچه استانبول نینگ ۷۲ مینگ کیشی سیغه دیگن «آتاتورک» سپورت میدانی ده اروپا قهرمان‌لر لیگی کپی اوچون قرشی لشه‌دی.
منچستر سیتی جماعه‌سی، اسپانیالیک مربی پپ گواردیولا هدایتی آستیده ایکینچی مرته اوشبو رقابت‌لر فینالی ده یول تاپگن، بیرینچی مرته اوز تاریخی ده اروپا قهرمان‌لر لیگی کپینی قولگه کیریتیشی کوتیله‌دی.
بیزلرنینگ توییترده هم تعقیب قیلینگ!
بیراق اینترمیلان اوچ مرته، سونگی بار میلادی ۲۰۱۰_ییل اوشبو کپنی قولگه کیریتگن، بیراق بو مرته سیمونه اینزاگی هدایتی بیلن تورتینچی بار اروپا قهرمان‌لر کپینی قولگه کیریتیش مقصدیده سعی‌وحرکت قیلیشی ممکن.
اوشبو دور اروپا قهرمان‌لر لیگی فینالینی، پولندلیک شیمون مارسینیاک قضاوت قیله‌دی.
