خوست ولایتی کسلخانه‌سی و اوشبو ولایت نینگ باشقه صحی مرکزلری نینگ شفاکارلری و ایشلاوچیلری، معاش‌لری توللنمسلیگی باعث اعتصاب قیلگنلر. اولر نینگ ایتیشلریچه، نیچه آی‌دن بویان حقوق‌لری توللنمه‌گن شونی اوچون اعتراض قیلگنلر.
مذکور شفاکارلردن قطاری نینگ سلام‌وطندار گه ایتیشلریچه، خوست ساغلیق‌نی سقلش ریاستی و همکار مؤسسه‌لر نینگ مسئوللری، اوتگن آی‌لر معاش‌لری توللنیشیدن ایشانچ بیلدیرگنلر، بیراق اولر گه کوره، اوتگن آی‌لر گه علاوه سونگی نیچه آی معاش‌لری بیریلمه‌گن.
بیزلرنینگ فیسبوک صحیفه‌میزگه باش اورینگ!
خوست ساغلیق‌نی سقلش باشلیغی فضل کریم مندوزی نینگ سلام‌وطندار گه ایتیشیچه، شفاکارلر و کسلخانه ایشلاوچیلری نینگ حقوقی توللنمسلیگی گه عاید مذکور ریاست گه شکایت‌لر ییتگن. اونینگ کوپه‌یتیریشیچه، همکار مؤسسه‌لر اون کونگچه موجود قیینچیلیک بوتونلی حل ایتیلیشیدن ایشانچ بیرگن.
خوست ساغلیق‌نی سقلش باشلیغی نینگ اورغولشیچه، شفاکارلر اعتراض‌لری گه یکون یسب و وظیفه‌لری گه قیتیش وعده‌سینی بیرگنلر.
بیزلرنینگ توییترده هم تعقیب قیلینگ!
بوندن آلدین باشقه بیر قطار ولایت‌لرده، شفاکارلر مالیه‌وی قیینچیلیک باعث اعتراض بیلدیریب و حقوق‌لری توللنیشینی سوره‌گندیلر.