خوست ده اوقووچیلر و اوقیتووچیلردن قطاری نینگ ایتیشلریچه، مکتبلر نینگ بناسیزلیگی حاضرگچه بو ولایتده تعلیم برابریده‌گی اساسی قیین‌چیلیکلردن بیری دیر.
خوست ولایتی اسماعیل‌خیل مندوزی تومنیده جایلشگن باشلنغیچ بیر مکتب اوقووچیلریدن فریده نینگ ایتیشیچه، مکتب‌لری نینگ بناسیزلیگی سبب یاغیش پیتلریده اولر‌نینگ اوقیش جریانی توخته‌تیله‌دی. اونینگ کوپه‌یتیریشیچه: «یامغیر یاغگنی یا-ده هوا ساووق بولگنی پیتده، قیینچیلیک بیلن روپه‌ره بوله‌میز و درس اوقه آلمه‌یمیز.»
بیزلرنینگ فیسبوک صحیفه‌میزگه باش اورینگ!
شونینگدیک اوشبو تومن‌ده‌گی باشلنغیچ مکتب اوقووچیلریدن باشقه بیری اقبال نینگ ایتیشیچه: «کتاب‌لر گه نیازیمیز بار، کتاب و قلمی‌میز یوق. آلتی صنف‌ده اوچ اوقیتووچی بار. هوا ایسیق بولگنی‌ده رخصت بوله‌میز.»
اوشبو مکتب سرمعلمی بخت امیرخان نینگ ایتیشیچه، مذکور مکتب قریب بیش ییل آلدین قوریلیب و حاضرگچه ستندرد بنا گه ایگه بوله آلمه‌گن. اونینگ کوپه‌یتیریشیچه: «کوپینچه قیین‌چیلیگیمیز بار، بو مکتب اوچون کوپ سعی‌وحرکت قیلدیک؛ بیراق حاضرگچه بیران بنا قوریلمه‌گن.»
خوست یشاوچیلریدن بیری رحمان آرمان نینگ سلام‌وطندار گه ایتیشیچه، مکتبلر نینگ ستندرد بناسی یوقلیگی، بو ولایت نینگ کوپینچه تومن‌لریده اوقووچیلر گه تعلیمی خذمتلردن فایده‌لنیش نی قیین‌لشتیرگن. «خوست ولایتی نینگ منطقه‌لر و تومن‌لریدن قطاری‌ده مکتبلر نینگ بناسی یوق؛ اوقووچیلر آچیق هوا‌ده درس اوقه‌دیلر که بو بویوک بیر قیینچیلیک دیر. خوست بویلب ۱۱۶-۱۲۰ مکتب بار که اوقیش اوچون مناسب بنا بیلن فضا گه ایگه ایمس.»
خوست معارف ریاستی نینگ معلوماتی اساسیده، مذکور ولایتده ۱۱۹ مکتب بناسیز بولیب و اوقووچیلر چادرلر آستی یا-ده درخت‌لر سایه‌سیده تعلیم کورماقده‌لر.
بیزلرنینگ «ایکس» ترماغی ده هم تعقیب قیلینگ!
مذکور ولایت معارف ریاستی نینگ اوقوو بولیمی باشلیغی خیروگل خیرخواه نینگ ایتیشیچه، اوشبو قیینچیلیک حلی اوچون معارف وزیرلیگی بیلن قوشمه سعی‌وحرکتلر نینگ دوامی بار. اونینگ کوپه‌یتیریشیچه: «خوست ده ۳۷۲ مکتبی‌میز بار؛ ۱۱۹ ته‌سی بناسیز دیر؛ کیله‌جک‌ده معارف وزیرلیگی بیلن بو توغریده اساسی بیر لایحه نینگ قولگه آلیش گه سعی‌وحرکت قیلماقده‌میز.»
ایتیش کیره‌ک که، پکتیا و پکتیکا کبی خوست نینگ قوشنی ولایت‌لریده هم یوزلب مکتب بناسیز دیر و مذکور ولایت‌لرده‌گی اوقووچیلر گه تعلیمی خذمتلردن فایده‌لنیشنی قیین‌لشتیرگن.
