تخار ده محلی رسمی‌لر، یازووچیلر، شاعرلر، بیلیم یورت اوقیتووچیلری، فرهنگ‌سیورلر و ییگیت‌لردن بیرقطاری نینگ اشتراکی بیلن، یازووچی، شاعر و ژورنالیست محمدعالم کوهکن تامانیدن یازیلگن «قاره کوزلریم» حکایه‌لر توپلمی همده یازووچی و شاعر سید تاج‌الدین تاشقین بهایی تامانیدن تیارلنگن امیرالکلام علیشیر نوایی «خمسه»سی نینگ ینگی نشری تقدیمات مراسمی بوگون (شنبه، ۸ میزان)، تخار بیلیم یورتی ده بولیب اوتدی.
مذکور ولایت ده اوشبو مناسبت بیلن یولگه قوییلگن مراسم ده، تخار مرکزی تالقان شهری ده «امیر علیشیر نوایی نینگ کتابخانه‌سی» عنوانیده بیر کتابخانه آچیلگن.
بیزلرنینگ فیسبوک صحیفه‌میزگه باش اورینگ!
اوشبو برنامه ده حصه قوشگن تخار محلی رسمی‌لری، اوقیتووچیلر، شاعرلر، یازووچیلر و طلبه‌لر، مملکت بویلب تیل‌لر اینیقسه اوزبیک تیلی اهمیتی، بیلیم یورت‌لر و مکتب‌لر ده کتاب چاپ بولیب ترقه‌تیلیشی خصوصیده سوز یوریتگنلر.
مذکور مراسم ده تخار معلومات و مدنیت باشلیغی ذبیح‌الله انصار نینگ ایتیشیچه، هر قوم اوز تیلی رواجی و قوللب_قوتلنیشی اوچون سعی‌وحرکت قیلیشی کیره‌ک.
انصار جنابلری نینگ سلام‌وطندار گه ایتیشیچه، تخار معلومات و مدنیت ریاستی هردایم فرهنگی برنامه‌لرنی قوللب_قوتله‌گن. یازووچیلر تیل‌لری رواجی و اسلام قدریت‌لری باره‌سیده مقاله‌لر یازیب و کتاب اوقووچیلر اختیاری گه تاپشیریشی اوچون تلاش قیلیش‌لری کیره‌ک.»
شونینگدیک، تخار بیلیم یورتی باشلیغی محمدبشیر مجاهد، اوزبیک تیلینی مملکت نینگ اهمیتلی تیل‌لریدن بیری دیب ایتیشیچه: «اوزبیک تیلی رواجلنیشی و باشقه تیل‌لردن آرتگه قالمسلیگی اوچون، بیلیم یورت‌لر، مکتب‌لرده درس بیریلیب، کتابخانه‌لر آچیلیب و تدقیقات بولیشی کیره‌ک. کتاب علاقه‌مندلری نینگ مطالعه‌سی اوچون بو کبی اثرلر و مقاله‌لر چاپ ایتیلیشی مهم دیر.»
بیزلرنینگ «ایکس» ترماغی ده هم تعقیب قیلینگ!
تخار نینگ تانیقلی شاعرلریدن بولمیش عبدالمطلب قیتمس گه کوره، اوتمیش ده اوزبیک تیلی رواجی اوچون سعی‌وحرکت بولمه‌گن، بو تیل ده گپیره‌دیگنلر اوزبیک تیلی ده درس اوقیب و باله‌لری گه اورگه‌تیش‌لری کیره‌ک.
او نینگ کوپه‌یتیریشیچه: «شاعرلر، یازووچیلر و اوقیتووچیلر قوللب_قوتلنمه‌دی، اوزبیک تیلی ده یازیلیب و چاپ ایتیلگن شعرلر و مقاله‌لر علاقه‌مندلری آز ایدی و اوقیمه‌دیلر، شونی اوچون تدقیقاتچیلر و شاعرلر نینگ اثرلری توپراققه باتدی و بو تیل حاضر هم اوز جایی ده دیر.»
اوشبو احتفال ده، شاعر و یازووچی عبدالکریم اویغاغ گه کوره، «قاره کوزلریم» حکایه‌لر توپلمی جمعیت تیریکچیلیگی، اقتصادیات و ایکینچیلیک موضوع‌لر حقید بحث ایتگن و شونینگدیک، امیر علیشیر نوایی «خمسه» اثری نی ایکی یریم ییل ده یازگن، عین‌حالده باشقه بویوک یازووچیلر ۳۰ ییل ده یازگنلر.
بوندن آلدین، امیر علیشیرنوایی نینگ خمسه اثری و قاره کوزلریم حکایه‌لر توپلمی تقدیمات مراسمی، پایتخت کابل، فاریاب و بدخشان ولایت‌لریده بولیب اوتگن.