بوگون (دوشنبه، ۱۱-ثور) خلق‌ارا ایشچیلر کونی گه ماس دیر. اوشبو کون کابل شهریده ایشچیلردن قطاری نینگ ایتیش‌لریچه، اوتگن بیر ییل‌ده اینگ کوپ ایش‌سیزلیک میزانینی تجربه قیلگنلر.
ایشچیلر نینگ ایتیش‌لریچه، کوپینچه پیتده ایش تاپه آلمسلیک سبب، بوش قول بیلن اوی گه بارگنلر.
کابل نینگ شهرنوی‌ده حاجی یعقوب تورت یولی‌ده ایش اختریش اوچون باره‌دیگن ۶۴ یاشر ایشچی خیر‌محمد نینگ ایتیشیچه، توش‌دن آلدین ساعت ۱۱دن بیری مذکور موقعیت گه ایش گه آلینیش اوچون بارگن، بیراق حاضرگچه ایش تاپه آلمه‌گن.
بیزلرنینگ توییترده هم تعقیب قیلینگ!
خیر‌محمد آلتی ییل‌دن بیری، هر کون کابل شهری حاجی یعقوب تورت یولیگی، ایش تاپیش اوچون باره‌دی؛ بیراق اوتگن بیر ییل جریانیده، یالغیز اوچ کون ایش گه آلیب باریلگن.
شونینگدیک اوشبو موقعیت‌ده خیر‌محمد کبی باشقه یوزلرچه ایشچی، ایرتنگ‌دن آخشم‌گچه، قویاش آستیده ایش تاپیش اوچون سعی و حرکت قیله‌دیلر.
مذکور ایشچیلردن قطاری نینگ ایتیش‌لریچه، کوپینچه پیت ایش تاپه آلمه‌ی، کیچه‌لر بوش قول بیلن اوی گه باریش گه مجبورلر.
کابل نینگ خصوصی بیلیم یورت‌لریدن بیری‌ده اقتصاد فاکولته‌سی نینگ ایکینچی ییل طلبه‌سی و شونینگدیک ۸ کیشی سرپرستی بولمیش ایشلاوچیلردن باشقه بیری عبدالرحمان نینگ ایتیشیچه، نیچه آی‌دن بیری ایشی نی قولدن بیرگن و بیر لقمه نان تاپیش اوچون هر ایرتنگ شهر نینگ تورت یول‌لری گه باره‌دی؛ بیراق مذکور نیچه آی جریانیده، هیچ کیم ایش گه آلیب کیتمه‌گن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اقتصادی ایش بیلرمان تاج‌محمد تلاش، دنیا یاردم‌لری کمه‌یشی، بانکی تحریم‌لر، ترقیاتی بودجه و دولت آرقه‌لی ایشلاوچیلر گه منظم پالیسی یوقلیگی نی افغانستان ده ایش‌سیزلیک کوپه‌یشی گه سبب بولگن اصلی عامل‌لردن عنوان قیله‌دی.
هر ییل، می آی بیرینچی کونی نینگ خلق‌ارا ایشچیلر کونی گه ماس بولگنی سبب، دنیا بویلب ایشیچی‌لیک مقامی گه ارزش بیریلیشی اوچون نشانلنه‌دی.
عین حالده، افغانستان ده ایشچیلر اوشبو کونده ایش امنیتی یوقلیگی، ایش حقی کم‌لیگی و نادارلیک‌دن رنج ایلته‌دیلر.
