خلق‌ارا کیچیریم تشکیلاتی نینگ باش کاتبی اگنس کالامار، جمعه کونی، ۲۵ قوس، پاکستان باش وزیری شهباز شریف گه یوللـه‌گن آچیق مکتوبی ده، اوشبو مملکتده افغان مهاجرلری نینگ قیینچیلیگی حلی اوچون دقت قیلیشینی طلب قیلگن.
خلق‌ارا کیچیریم تشکیلاتی نینگ مکتوبی ده، پاکستان ده مهاجرلرنی قوللب_قوتلاوچی و اولر نینگ وضعیتینی انیقلش اوچون، ملی قاعده یوق‌لیگی تأکیدلنگن.
بیزلرنینگ فیسبوک صحیفه‌میزگه باش اورینگ!
خلق‌ارا کیچیریم تشکیلاتی باش کاتبی گه کوره، پاکستان ده مهاجرلرنی قوللب_قوتلش و اولر نینگ احوالینی انیقلش اوچون ملی قاعده یوق‌لیگی، افغان مهاجرلری قیین احوال گه قالیش‌لری گه سبب بولگن.
اوشبو مکتوب اساسیده، افغانستان نینگ پاکستان ده‌گی مدرک‌سیز فقرالری یشش اوی دن فایده‌لنیش امکانیتی گه ایگه ایمس‌لر؛ چونکه پاکستان‌لیکلر نینگ اولر گه اجاره گه اوی بیریش اوچون قانیقتیره آلمه‌یدیلر. افغان‌لر بانکی حساب آچیب یا ده اوز آت‌لریده یقین‌لریدن پول قولگه کیریته آلمه‌یدیلر. شونینگدیک اولر نینگ کیم‌لیکلری یوق‌لیگی و پاکستان نینگ سیاست‌لری سبب، سیم‌کارت ساتیب آله آلمه‌یدیلر.
پاکستان نینگ قاعده‌لری گه بناً، افغانستان نینگ ویزه‌لی یا ویزه‌سیز فقرالری، هر نیچه آی ده پاکستان دن چیقریلیب و اولر نینگ پاسپورتی گه خروجی مهر اوریلیشی لازم.
بیزلرنینگ توییترده هم تعقیب قیلینگ!
خلق‌ارا کیچیریم تشکیلاتی باش کاتبی نینگ یازیشیچه، ینگی‌لیکده پاکستان بارگن افغانستان‌لیک انسان حقلری فعاللری، مخبرلری و اوشبو مملکت نینگ سابق دولت ملازم‌لری، اولر نینگ پاکستان دن چیقیشی ممکن اولرنینگ جانینی خطر بیلن دوچ قیلمسلیگی کیره‌ک.
اگنس کالامار اوز مکتوبی ده یازیشیچه، پاکستان حکومتی مهاجرلر نینگ سوز ایرکین‌لیگی و مسالمت‌لی همایش‌لریدن محافظت قیلیب و مهاجرلرنینگ مدرک‌لری یوق‌لیگی بهانه‌سیده، اولرنی قولگه آلینیش جریانی توخته‌تیلیشی لازم.
