روسیه جمهور باشلیغی ولادیمیر پوتین، اسلامی امارت سرپرست حکومتی بیلن مناسبت‌لرینی کوچه‌یتیریش اوچون سعی و حرکت قیله یاتگنینی بیلدیرگن. جناب پوتین اوتگن کونی دوشنبه شهری ده تاجیکستان جمهوررئیسی امام‌علی رحمان بیلن اوچره‌شیب، برچه قومی گروه‌لر اسلامی امارت سرپرست حکومتی کابینه‌سیده شامل بولیشی کیره‌ک دیگن.
ولادیمیر پوتین نینگ ایتیشیچه، روسیه افغانستان توپراغیدن باشقه مملکت‌لر گه قرشی فایده‌لنمسلیگیدن ایشانچی کامل بولیشی کیره‌ک.
روسیه جمهورلیک ریاستی سرای/کرملین رسمی صحیفه‌سیده، روسیه و تاجیکستان جمهور باشلیغ‌لری ولادیمیر پوتین و امام‌علی رحمان نینگ اوچره‌شوولری خصوصیده بونده‌ی یازگن: «افغانستان نینگ وضعیتینی نورمالشتیریش اوچون لازم ایشلرنی بجره‌میز. افغانستان ده حاکم سیاسی کوچلر بیلن رابطه برقرار ایتیش مقصدیده سعی و حرکت قیلماقده میز.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده سیاسی ایش بیلرمان‌لردن قطاری نینگ ایتیشلریچه، ولادیمیر پوتین اوشبو سوزلرینی روسیه اوز غایه‌لری گه ایریشیش مقصدیده بیان قیلگن. ایش بیلرمان‌لر گه کوره، روسیه آمریکا گه قرشی ینگی جبهه توزه‌تیب، سیاسی و اقتصادی غایه‌لری گه قول تاپیش اوچون سعی و حرکت قیلماقده.
سیاسی ایش بیلرمان ویس ناصری، اسلامی امارت سرپرست حکومتی بیلن رابطه برقرار ایتیش گه عاید ولادیمیر پوتین نینگ بیاناتینی سیاسی اویین دیب ایتیشیچه: «اسلامی امارت بیلن رابطه قوریب و آمریکا و متحدلری گه قرشی ینگی جبهه توزه‌تیب اویین اوینه‌یدی.»
سیاسی ایش بیلرمان‌لردن باشقه بیری مهدی افضلی نینگ ایشانچی گه کوره، افغانستان ده سیاسی ثبات‌سیزلیک باعث، روسیه اوشبو مملکت نی استراتیژیک متحدی اوله‌راق قبول قیله آلمه‌یدی، بیراق افغانستان آرقه‌لی اقتصادی غایه‌لری گه قول تاپیش اوچون سعی و حرکت قیلماقده.
بیزلرنینگ توییترده هم تعقیب قیلینگ!
روسیه جمهور باشلیغی نینگ بیاناتی گه عاید اسلامی امارت نینگ فکر_ملاحظه‌سینی اورگه‌نیش اوچون تلاش قیلدیک، بیراق کیتمه_کیت قونغراق‌لریمیز گه جواب قیترمه‌دیلر. روسیه جمهور باشلیغی اسلامی امارت سرپرست حکومتی بیلن رابطه برقرار ایتیشنی عین حالده بیان قیلگن که، مسکو اسلامی امارت نی ترورچی گروه‌لر رویخطی دن حاضرگه قدر چیقرمه‌گن.