خلقارا اوقیتووچیلر کونی هر ییلی ۵-اکتبرده نشانلنهدی؛ لیکن افغانستان ده بو کون اَیریم مکتبلرده نشانلنهیاتگن بیر پیتده، اوقیتووچیلردن قطاری اقتصادی قیینچیلیکلر بیلن روپهرهلر.
لوگر ده گی اوقیتووچیلردن صدیق زلاند، آیلیگی آزلیگیدن شکایت قیلیب و ایتیشیچه، اوقیتووچیلر حقوقی کوپهیشی کیرهک. «افغانستان دهگی اوقیتووچیلرنینگ قیینچیلیکلریدن بیری اقتصادی قیینچیلیک دیر؛ اوقیتووچیلرنینگ باشپنهسی یوق و اولرگه ظرفیت آشیریش دستورلری اوتکزیلمهیدی.»
بیزلرنینگ «ایکس» ترماغی ده هم تعقیب قیلینگ!
کابل دهگی اوقیتووچیلردن سنبلنینگ ایتیشیچه: «بیزلرگه بیرهدیگنلری آیلیک ییترلی ایمس؛ افغانستان ده اینگ قویی طبقه، اوقیتووچیلر طبقهسی دیر.»
هرات دهگی اوقیتووچیلردن شیمانینگ ایتیشیچه، افغانستان تعلیمی سکتوری یخشیلنیشی اوچون تعلیمی نصاب و اوقیتووچیلر ظرفیتی آشیریلیشی یوزیگه ایشلنهیشی کیرهک. اونینگ کوپهیتیریشیچه: «افغانستان ده تعلیمی نصاب ستندرد ایمس و تعلیم سیستمی توغریسیده ایشلنیشی، درسلیک تیارلنیشی کیرهک که اوقیتووچیلر اوقووچیلرگه درست و ستندرد تعلیم بیره آلسینلر.»
شونینگدیک تعلیموتربیه بولیمی ایش بیلرمانلرنینگ ایشانچیگه کوره، اوقیتووچیلرنینگ یشش وضعیتینی اوزگرتیرمسلیکدن، تعلیمی سکتورنینگ یخشیلنمسلیی کیرهک.
بیزلرنینگ فیسبوک صحیفهمیزگه باش اورینگ!
تعلیم بولیمی ایش بیلرمانی محبالله موهدنینگ ایتیشیچه: «آچ قارین، ایسکی کییم و باشقه مینگلب قیینچیلیک بیلن بیر اوقیتووچی صنف گه کیلرسه، درست درس بیره آلمهیدی و اوقیتووچی قشاقلیکده قالگنیده، تعلیم کیلهجگی هم قشاقلیکده قالهدی.»
افغانستان بیرلشگن ملتلر تشکیلاتینینگ اورینباسرلیک هیئت ادارهسی (یوناما) و اروپا اتفاقی بو کون مناسبتی بیلن، یخشی دنیا یرهتیش توغریسیده افغانستانلیک اوقیتووچیلرنینگ چرچهمسدن سعیوحرکت قیلیشلریدن قدردانلیک قیلیشلرینی معلوم قیلگنلر.
