بوگون ۲۸-جولای/۶-اسد، خلق‌ارا طبیعت‌دن حفاظت قیلیش کونی گه ماس دیر. شونینگدیک مذکور کون یَشَش محیط‌دن حفاظت قیلووچی ملی اداره مسئوللری مملکت‌ده یَشَش محیط وضعیتی نینگ یامان‌لنیشی خصوصیده خواطر بیلدیرگنلر.
یَشَش محیط‌دن حفاظت قیلووچی ملی اداره نینگ پالیسی و مسلکی معینی زین‌العابدین عابد، بوگون خلق‌ارا طبیعت کونی‌دن نشانلش مراسمی‌ده ایتگن که، افغانستان یَشَش محیطی یامان بیر وضعیتده قرار تاپگنی بیرحالده، بیراق مملکت یشاوچیلری یَشَش محیط‌دن حفاظت قیلیش خصوصیده توجه قیلمه‌یدیلر.
جناب عابد گه کوره، طبیعی حادثه‌لر نینگ کوپه‌یگنی، قوروق‌چیلیک و مملکت سوو منبع‌لری نینگ اورته‌دن کیتگنی، یَشَش محیط نینگ یامان بیر وضعیتده قرار تاپیشی گه سبب بولگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «اقلیمی اوزگریش‌لر، یوز بیرگن سوو تاشقین‌لر، قوروق‌چیلیک، هوا نینگ ایسیق بولگنی، زلزله و ییر آستیده سوولر نینگ اورته‌دن کیتگنی، اهالی نینگ بیر ییردن باشقه بیر ییر گه کیتیش‌لری گه سبب بولگن که اوشبو ایش، یَشَش محیط قیین‌چیلیکلری نی ایجاد قیلگن.»
شونده‌ی بیرحالده، مذکور برنامه‌ده ایکینچیلیک، سووغاریش و چاروه‌چلیک وزیرلیگی نینگ ایتیشیچه، طبیعی منبع‌لر نینگ کمه‌یگنی و یَشَش محیط وضعیتی، مملکت نینگ قیین‌چیلیک بیلن روپه‌ره قیلگن.
ایکینچیلیک، سووغاریش و چاروه‌چلیک وزیرلیگی نینگ اورمان‌لر رئیسی محمد‌امان امان‌یار نینگ ایتیشیچه: «سونگی ییل‌لرده مملکت نینگ طبیعی منبع‌لردن کوپینچه‌سی گه توجه بولمه‌ی استفاده بولگنی سبب، حاضر ایسه یشاوچیلردن قطاری قیین‌چیلیکلر بیلن روپه‌ره بولگنلر.»
باشقه بیر تامان‌دن، خلق‌ارا طبیعت کونی‌دن نشانلش برنامه‌سی گه شرکت قیلگنلر حکومت‌دن، یَشَش محیط و طبیعی منبع‌لردن حفظ قیلیش اوچون فایده‌لی برنامه‌لر نی یولگه قوییش بیلن اهالی معلوماتی نینگ یوقاری کیتیش سطحی نی کوپه‌یتیریشلری نی ایسته‌گنلر.
شونینگدیک اوشبو برنامه گه شرکت قیلگنلر مملکت اینیقسه کابلده طبیعت افلاسلیگی نینگ یامان‌لنیشی خصوصیده خواطر بیلدیرگنلر.
بیزلرنینگ توییترده هم تعقیب قیلینگ!
خلق‌ارا یَشَش محیط‌دن نشانلش برنامه‌سی گه شرکت قیلگنلردن صدف نینگ ایتیشیچه: «دنیا نینگ ایسیق بولیشی و ییر آستیده‌گی سوولر نینگ کمه‌یشی دنیا نینگ خواطرلنتیرگن موضوع‌لردن دیر و بو اوزی بیر بویوک قیین‌چیلیک دیر. دنیا بولیب درست بیر شکلده مدیریت صورت تاپیشی کیره‌ک.»
خلق‌ارا یَشَش محیط‌دن نشانلش برنامه‌سی گه شرکت قیلگنلردن باشقه بیری ذکیه احمد‌یار نینگ ایتیشیچه: «کیلینگلر دنیا نینگ یخشی بیر یشاوچیسی و ییر نینگ دوستی بوله‌یلیک.»
گرچند افغانستان ده، یَشَش محیط وضعیتی نینگ یامان‌لنیشی خصوصیده نیچه مرته خواطر بیلدیریب و اوندن کیین، طبیعت‌دن حفاظت قیلیش خصوصیده مسئوللر نینگ فایده‌لی اقدام‌لری‌دن خبر بیریلگن دیر، بیراق حاضرگچه مسئوللر بو توغریده هیچ بیر عملی ایش نی قولگه آلمه‌گنلر.
