خلقارا آزیق-آوقت دستوری اورینباسری هارالد مانهارتنینگ ایتیشیچه، سونگی ییللرده افغانستان بالهلر آرهسیده اینگ یوقاری درجهدهگی توییب آوقتلنمسلیکنی باشدن کیچیرماقده.
خلقارا آزیق-آوقت دستوری افغانستان بولیمی، ۱۲-ثور، جمعهدن شنبه گه اوتر کیچه بیر بیانیه ترقهتیب ایتیشیچه، هارالد مانهارت افغانستان ده جاپان ایلچیسی تاکایوشی کورومیا بیلن کابل ده جایلشگن توییب آوقتلنمسلیک دوالنیش بیر مرکزدن کوریب چیققنلر.
بیزلرنینگ «ایکس» ترماغی ده هم تعقیب قیلینگ!
مانهارتنینگ اورغولشیچه، افغانستان دهگی جاری بحراندن کوپراق عیاللر و قیزلر زیان کورهدی.
شوندهی بیرحالده، افغانستان ده جاپان ایلچیسی تاکایوشی کورومیا، توییب آوقتلنمسلیکدن اذیت چیکهدیگن عیاللر و بالهلر احوالینی «یامان» دیب و ایتیشیچه، جاپان دولتی افغانستان اهالیسینی اینیقسه ساغلیق بولیمیده حمایت قیلیشگه متعهد دیر.
خلقارا آزیق-آوقت دستوری افغانستان دهگی بشری بحران گه اشاره قیلیب و کوپهیتیریشیچه، بو مملکتنینگ اوچدن بیر قسمی شاشلینچ آزیق-آوقت یاردملریگه نیازی بار.
بیزلرنینگ فیسبوک صحیفهمیزگه باش اورینگ!
اوتگن میلادی ییلده، بو نهاد افغانستان بویلب اوچ میلیون باله و ۱.۸ میلیون حامله عیال گه، طبی و توییب آوقتلنمسلیک آلدی آلینیشی بوییچه خذمتلرنی کورستگن.
بیرلشگن ملتلر تشکیلاتینینگ معلوماتی اساسیده، حاضر افغانستان یشاوچیلریدن قریب ۲۳ میلیونینینگ انسانسیورلیک یاردملر گه نیازی بار.
