سمنگان ده محلی مسئوللرنینگ ایتیشلریچه، ۲۸ میلیون افغانی عوضیگه دنیا بانکینینگ مالی حمایتی بیلن تورتته سوو ییتکزیش ترماقنینگ قوریلیش ایشی باشلنگن.
سمنگان قیشلاقلرنی رواجلنتیریش و قیته قوریش ریاستی بیر بیانیه ترقهتیش بیلن اعلام قیلیشیچه، مذکور لایحهلرنینگ عملی ایشی اوتگن کون (۱۷-سنبله، دوشنبه)، اوشبو ولایت درهیصوف بالا تومنیده باشلهنیب و تورت آیده یکونلنیشی ممکن.
مذکور بیانیه اساسیده، اوشبو سوو ییتکزیش ترماقلر ایشی یکونلنیشی بیلن یوزلب عایله، تورتته مکتب اوقووچیلری، ۱۱ ته مسجد، بیرته دینی مدرسه و ایکیته ساغلیق مرکزگه مراجعت قیلهدیگنلر، ایچیملیک سوودن فایدهلنهدیلر.
سونگی ییللردهگی کیتمه-کیت قوروقچیلیکلر و هوا اوزگریشلری، افغانستاننینگ قیشلاقلیک منطقه یشاوچیلریدن قطاری اوچون ایچیملیک سوودن فایدهلنیشنی قیینلشتیرگن.
شونینگدیک بوندن آلدین، نهادلر و موسسهلردن قطاری ولایتلردن قطاریدهگی اوزاق قیشلاقلرده ایچیملیک سوو تامینلنیشی اوچون بو کبی لایحهلرنی عملگه آشیرگنلر.
