خلق‌ارا بنگی‌وار ماده‌لر گه قرشی کوره‌ش کونیده، ساغلیق‌نی سقلش وزیرلیگی مسئوللری سۉنگی اوچ ییلده مملکت مقیاسیده مینگلب معتاد دوالنگنیدن خبر بیریب و حاضرگی کونده مملکتده معتادلر گه عاید ۶۱ ساغلیق مرکز فعال‌لیگینی معلوم قیله‌دیلر.
ساغلیق‌نی سقلش وزیرلیگی نینگ خذمت کورسه‌تیش ایشلری بوییچه معینی عبدالولی حقانی، کابل ده اوشبو کوندن نشانلش احتفال ده ایتیشیچه، افغانستانده معتادلرنی دوالش مرکزلری، هر ییلی ۳۰ مینگ دن آرتیق کسل نی دوالش گه قادر.
اونینگ کوپه‌یتیریشیچه: «بوتون مملکت‌لرده ساغلیق مرکزلر فعال دیر و امارت حاکمیتیدن سۉنگ ۵۴ مینگ ۳۴۷ معتاد دوالنگن، هر ییلی ۳۰ مینگ ۸۰۰ کیشی بستری بوله‌دی، یېترلی امکانیت یوق‌لیگی بیلن یخشی خذمت کورسه‌تیلگن.»
ایچکی ایشلر وزیرلیگی نینگ بنگی‌وار ماده‌لر گه قرشی کوره‌ش معینیتی وکیلی شمس‌الرحمان منهاج گه کوره، اسلام امیرلیگی سۉنگی اوچ ییلده بنگی‌وار ماده‌لر ایکینینی تقیق‌لش، معتادلرنی توپلش و اولر نینگ دوالش گه اولگورگن.
بیزلرنینگ فیسبوک صحیفه‌میزگه باش اورینگ!
اونگه کوره: «اسلام امیرلیگی حاکمیتیدن کېین ۱۱۴ مینگ ۳۴۰ معتاد توپلنیب و ساغلیق مرکزلر گه انتقال بیریلگن و دوالنیش‌لریدن سۉنگ قیته دن عایله‌لری گه تاپشیریله‌دی، ۱۴۰۲ ییل باشلنگنیدن ۱۴۰۳ ییل گه قدر ۳۳ مینگ ۲۲۶ معتاد توپلنگن و اولردن ۸۰۰ نفری تخنیکی مرکزلردن فارغ بولگنلر.»
برچه‌سی بیلن، اوشبو احتفالده خلق‌ارا ساغلیق‌نی سقلش تشکیلاتی وکیلی جمشید تنولی، دنیا مقیاسیده بنگی‌وار ماده‌لر گه چلینگنلر سانی کوپه‌یگنیدن آگاه‌لنتیریب و افغانستان هم بوتوغریده استثنا اېمس‌لیگینی بیلدیرگن.
اونینگ ایتیشیچه: «۲۰۱۱-ییلده دنیا بویلب ۲۴۰ میلیون معتاد بار اېدی، لېکن بو رقم ۲۰۲۱-ییلده ۲۹۶ میلیون گه یېتگن، بونگه قۉشمه طرزده قرشی کوره‌شیلیشی درکار؛ دنیا بویلب بنگی‌وار ماده‌لر نینگ اسعتمال قیلووچیلری گه قره‌گنده شبهه‌سیز افغانستانده هم کوپه‌یشی ممکن.»
بیزلرنینگ «ایکس» ترماغی ده هم تعقیب قیلینگ!
خلق‌ارا ساغلیق‌نی سقلش تشکیلاتی وکیلی نینگ کوپه‌یتیریشیچه، افغانستان دولتی بنگی‌وار ماده‌لر گه قرشی کوره‌ش اوچون قانون نی تطبیق اېتیب و چېگره‌لر کنترولینی جدی آلیشی کېره‌ک.
حاضر ساغلیق مرکزلرده دوالنه‌یاتگن معتادلردن بیرقطاری دولت دن، اولر نینگ دایمی ساغه‌یب کېتیش‌لری اوچون دوالنیش‌لریدن کېین ایش فرصت‌لری یره‌تیشینی اېسته‌یدیلر.
۲۷ یاشر هارون، یېتّی ییلدن بېری بنگی‌وار ماده استعمال قیلگن دوالنیشیدن سۉنگ حلال یول بیلن عایله اعضالری نینگ نفقه‌سینی تأمینلشینی اېسته‌یدی.
اونینگ کوپه‌یتیریشیچه: «۲۸کوندن بیری دوالنماقده من، مین اوچون برچه تشویش و قیغوده ساغه‌یب و عایله اعضالریم نینگ احتیاج‌لرینی حلال یول آرقه‌لی تأمینلشنی اېسته‌ی من، ساغه‌لیشدن کېین ایش فرصت‌لری یره‌تیلیشینی سۉره‌یمیز.»
برچه‌سی بیلن، سرپرست حکومت بنگی‌وار ماده‌لرنی دنیا قیینچیلیک‌لریدن اته‌ب و بوتوغریده قۉشمه طرزده قرشی کوره‌شیلیشی اوستیگه تأکید اېته‌دیلر.
