کابل ده، اعتراضچی عیال‌لر، ینه بیرقیته، «قانونی حکومت ایسته‌ی میز» و «بیز آچ خلق نینگ سیسی میز» دیب جاده‌لر ده چیقیشدی‌لر.
بو اعتراضچی‌لر اسلامی امارتی نینگ قتیق یول‌کیتیش‌لری گه یوزمه یوز بولگن‌لر.
کابل ده بیرقنچه عیال‌لر حقوق‌لری رعایت ایتیلمس‌لیگی دن اعتراض قیلیب اسلامی امارت نینگ ینگی توصیه نامه‌سی گه قرشی اعتراض قیلیشگن، که بو توصیه نامه ده خاتین‌لرگه قرشی چیکلاولر قوییلگن ایدی. اعتراضچی‌لر، خاتین‌لر نی اوقیش و اورگنیشی بوییچه دنیا نینگ جیم توریشی نی «اویتلی» دیب ایته‌دیلر.
بیزلرنینگ فیسبوک صحیفه‌میزگه باش اورینگ!
اعتراضچی‌لر نینگ ایتیشیچه، اسلامی امارت خاتین‌لر نینگ حقی نی یوق قیلیش‌گه حقی یوق و دنیا جماعه‌چیلیگی خاتین‌لرنی رسمیت گه تانیب اولرنینگ حقی دن دفاع قیلسین.
اعتراضچی‌لر امر بالمعروف و نهی عن المنکر وزیرلیگی نینگ ایشیگی آلدی ده ییغیلیب اعتراض قیلیشگن، که بولر نینگ اعتراض‌لری اسلامی امارات تامانیدن توخته‌تیلگن.
باشقه تاماندن، کابل اهالی‌سی نینگ بیرقنچه‌سی کارته چهار منطقه سیده، سابق حربی‌لر نینگ یاشیرینچ اولیمی گه قرشی اعتراض قیلگن‌لر، که بولر نینگ اعتراضی هم اسلامی امارت کوچلری تامانیدن توخته‌تیلگن، و بو اعتراض دن ویدیو آلگن خبرچی‌لر هم اسلامی امارت تامانیدن قماققه آلینگن.
اعتراضچی‌لر حقیده، ایچکی ایشلر وزیرلیگی و کابل پولیسی نینگ جوابی نی آلیش گه تلاش قیلدیک اما جواب آله‌آلمه دیک.
بو اعتراض‌لر شوندی بیرحالده اوتکزیلماقده که، امر بالمعروف و نهی عن‌المنکر وزیرلیگی ینگی‌لیکده خاتین‌لر گه قرشی چیکلاولر ایجاد قیلگن، که بو چیکلاولر، اجتماعی‌ترماق‌لرده و انسانی حق‌لری نهادلری تامانیدن کوپینچه تنقیدلرگه یوزمه یوز بولگن.