بوگون (یک‌شنبه، ۲۱- جدی) افغان عیال‌لر شبکه‌سی «افغانستانده‌گی جنسیت اساسی‌ده‌گی زوروانلیک حقیده عیال‌لر نینگ خواطری» آتی‌ده بیر برنامه اوتکزیب، اولکه عیال‌لری نینگ وضعیتی یمان لشیب باریشدن جدی صورتده خواطر بیلدیرگن‌لر.
افغان عیال‌لر شبکه‌سی نینگ تیکشیرولرگه کوره عیال‌لر حاضرهم اولکه‌ده تورلی زوروان‌لیک‌لر قربانی بوله‌دیلر.
اوشبو شبکه، عیال‌لر گه قرشی زوروانلیک‌نی یوق قیلیش اوچون ۱۶ کون بوییچه اولکه نینگ شمال، شرق، جنوب شرق، جنوب غرب، شمال شرق زون‌لری و کابل شامل مرکزی ساحه‌لرده‌گی ۲۴۰ عیال و ایرکک بیلن سوزلشیب، مملکت ده‌گی عیال‌لر گه قرشی زوروانلیک سبب‌لرینی تیکشیره‌دی.
افغان عیال‌لر شبکه‌سی اعضاسی قُدسیه رهین نینگ ایتیشیچه، عیال‌لر گه قرشی زوروانلیک نی تیکشیرگن‌لر و اولکه نینگ شمال شرق و جنوب شرق زون‌لریده‌گی مجبوری نکاح، عیال‌لر گه قرشی زوروانلیک لرنینگ برچه توریده بیرینچی اورین ده بولگن.
خانم رهین گه کوره، اولکه نینگ مرکزی، شرقی و غربی منطقه‌لریده عیال‌لر اوریب – یینچیلیش قضیه‌لری حاضرده هم بولگن و عین حالده اولک نینگ شرق، جنوب شرق و جنوب غرب زون‌لریده عیال‌لر گه قرشی زوروانلیک حالت‌لرینی حل ایتیشده سلبی فکر و توشونچه‌لر موجود بولگن.
افغان عیال‌لر شبکه‌سی اعضاسی گه کوره، جماعه و حکومت رهبرلیگی ده‌عیال‌لردن هم ابزاری شکلده استفاده قیله‌دیلر و اشبو مسله جماعه گه ضرر بیریشی ممکن.
عیال‌لر وزیرلیگی اورین باسری خانم سپوژمی وردک سلام‌وطندار گه ایتیشیچه، افغان عیال‌لر شبکه‌سی نینگ سوزلری یالغیز ادعا بولگن و اوشبو شبکه سند ارائیه قیلیشی کیره‌ک.
افغان عیال‌لر شبکه‌سی مسؤل‌لری نینگ ایتیش‌لریچه، رسمی شکلده اعلان بولگن رقم گه کوره عیال‌لرگه قرشی زوروانلیک رقمی کوپ بولگن و کوپینچه عیال‌لر عدلی و قضائی نهادلرگه ایشانچی بولمه‌گنی اوچون قضیه‌لرنی ثبت قیلمه‌یدیلر. افغان عیال‌لر شبکه‌سی مسؤل‌لری نینگ ایتیش‌لریچه، عیال‌لر شکایت قیلیش اوچون عدلی و قضائی نهادلرگه باش اورگن حالده زوروانلیک بیلن دوچ کیله‌دیلر.