آق سرای نینگ آگاه‌لنتیریشیچه، روسیه اوکراین‌ده شیمیاوی یا-ده بیولوژیکی قوراللردن قوللنیش‌نی ریجه لنتیره یاتگنلیگی ممکن. آق سرای سوزلاوچیسی جن ساکی توییتر صحیفه‌سیده یازیشیچه، اوکراین‌ده آمریکا نینگ بیولوژیکی قوراللر آزمایش‌گاه‌لری نی ایشلب چیقاریش حقیده روسیه ادعاسی، ناتوغری دیر.
آق سرای سوزلاوچیسی نینگ اورغولشیچه، روسیه نینگ اوشبو ناتوغری ادعالری، دلیل سیز هجوم‌لرنی توجیه قیلیش اوچون کوپراق مذکور مملکت تامانیدن ایتیله‌دی. اونینگ کوپه‌یتیریشیچه: «حاضر روسیه یالغان ادعالری‌نی بیان قیلیب و شونینگدیک چین بو تبلیغات نی تصدیق قیلگن بیرحالده، برچه‌میز روسیه‌دن اوکراین‌ده بیولوژیلیک یا-ده شیمیایی قوراللردن قوللنمسلیگی اوچون دقت قیلیشیمیز کیره‌ک.»
بیزلرنینگ توییترده هم تعقیب قیلینگ!
بوندن آلدین، آمریکا تشقی ایشلر وزیری آنتونی بلینکن، جاری ییل نینگ باشیده روسیه نینگ اوکراین گه شیمیایی قوراللر نینگ واقعی یا-ده ساخته هجوم یولگه قویلیشی خصوصیده آگاه‌لنتیرگن ایدی، لیکن اونینگ بیاناتی روسیه نینگ کامل هجومی باشلنمه‌گنیدن آلدین بیان بولگن ایدی.
شونده‌ی بیرحالده، غرب رسمی‌لری روسیه نینگ هجوم‌لری حقیده مشابه خواطرلر نی بیان قیلگن ایدی. غرب رسمی‌لریدن بیری نینگ رسانه‌لر گه ایتیشیچه، روسیه اوشبو قوراللر نینگ قولنمسدن آلدین، شونینگدیک سوریه‌ده بو گَل ادعالرنی ترقه‌تر ایدی.
بیزلرنینگ فیسبوک صحیفه‌میزگه باش اورینگ!
روسیه رسانه‌لری و رسمی‌لر سونگی کون‌لرده اعا قیلگنلر که اوکراین رادیواکتیو موادنی منتشر قیله‌دیگن بیر بم نی ایشلب چیقاریش‌نی ریجه‌لنتیرماقده دیر. شونینگدیک روسیه تشقی ایشلر وزیری نینگ ادعا قیلیشیچه، اوکراین هسته‌یی قورال ایشلب چیقاریش اوچون سعی و حرکت قیلماقده.
