«انتیک» دییلگنده، اکثریت آدملر قدیمی، قیمتبها و نایاب همده توزهلیش صفتی و تاریخی اهمیت گه ایگه بولگن بویوملرنی توشونهدی.
تنگه، ساعت، ایدیش، تابلو، کتاب یا کی تقینچاق کبی۱۰۰ ییلدن آرتیق یا کی اوندن کم قدامتی بولگن، اصلی بولگن، تاریخی یا کی مدنی اهمیت ایگه بولگن بویوملرنی «انتیک» دییش ممکن.
انتیک بویوملرینی کابل شهرنو «انتیک فروشی» کوچهسیده تاپیش ممکن. اوشبو ییردهگی دکاندارلر گه کوره، بو ییرده عتیقه بویوملری، قیمتبها تاشلر، قول صناعتی و بیزهلتیریش اوسکونهلری تاپیلهدی. اوشبو قیمتبها بویوملر کوپراق ولایتلردن آلیب کیلینیب ساتیلهدی و خریدارلری کوپراق دولت خادملری و چیت ایللیکلر بولگن.
شو بیلن بیرگه، کابل شهری انتیک ساتووچی کوچهسیده انچهدن بیری انتیک بویوملرینی آلیب و ساتیش بیلن شغللنیب کیلهیاتگنلر، سودا-ساتیق و مجازلری سیزیلری درجهده کمهیگنینی معلوم قیلهدیلر.
۱۰ ییلدن بیری انتیک ساتووچیلیک بیلن شغللنیب کیلهیاتگن حضرتشاه نوری، اوتمیش گه نسبتن حاضر سودالری سیزیلرلی درجهده کمهیگنینی ایتهدی. اونینگ کوپهیتیریشیچه، انتیک بویوملری کوپراق دولت خادملری و چیت ایللیکلر بولگن، بیراق حاضرگی کونده اولر کمراق مراجعت قیلیب و بو بویوملرنی ساتیب آلیشهدی.
او، اسلام امیرلیگیدن انتیک بویوملری بازاری رونق تاپیشی اوچون چیت ایل مملکتلر بیلن مناسبتلرنی مستحکملش و صادرات ساحهسیده دقت قیلیشنی سورهیدی.
حضرتشاه نوری شوندهی دییدی: «سابققه نسبتن ایش آزهیگن ینه هم شکر قیلهمن و راضی من. آلدین دولت خادملری کیلر ایدی و چیت ایللیکلر کیلر ایدی، حاضر هم کیلیشهدی، اما اونچهلیک ایمس، جوده هم کم کیلیشهدی.»
بو ییر سابقده تاووق ساتیلیشی اوچون تاووق (مرغ) کوچهسی یاد بولگن، بیراق استهسیکین بو اسم «انتیک فروشلیک» کوچهسیگه ایلنگن. اوشبو کوچهده کوپراق قالین، قول صناعتی کبی مملکتنینگ صناعتی بویوملری تاپیلهدی و افغانستاننینگ سابق قدامتیدن دلالت بیرهدی.
کوپ ییللردن بیری انتیک ساتووچیلیک بیلن شغللنیب کیلهیاتگنلردن بیرقطاری، سودا-ساتیقلری کمهیگنینی بیلدیرهدی.
اولر گه کوره، سابق ولایتلردن کوپراق قیمتبها و قول صناعتی کبی بویوملر کیلتیریلر ایکن، بیراق اسلام امیرلیگی تامانیدن بوندهی نرسهلر انتقال بیریلیشی منع قیلینگچ، کیلتیریلمهیدی.
۲۰ ییلدن بیری انتیک ساتووچیلیک قیلیب کیلهیاتگن نصیراحمد عزیزی، انتیک بازاری قیته رونق تاپیشی اوچون خارج گه صادر قیلیش امکانیتی یرهتیلیب و سیاحلرنینگ کیلیش امکانیتی یرهتیلیشینی ایستهیدی.
اونگه کوره: «کند بند بولگن، اطراف و ولایتلردن بویوملر کیلتیریلمهیدی چونکی دولت کند نی بند قیلگن مال کیلمهیدی. تورت ییلدن بیری بازار یخشی ایمس سیاحتچیلر کیلمهیدی و مجازلر کیلمهیدی. بویوملر چیت ایل گه صادر قیلینمهیدی و حکومت تامانیدن منع قیلینگن. ایش و بازار صفر بولگن.»
انتیک بویوملری بیر مملکتنینگ مدنی و اقتصادی فعالیتلری بیر بولیمی اولهراق، تاریخ و مدنیتنی تنیشتیریش و سقلشده مهم رول اوینهیدی. اسلام امیرلیگی، افغانستاننینگ قیمتبها و قدیمی بویوملرینی چیت ایل گه آلیب باریلیشینی منع قیلگچ و سونگی ییللردهگی اقتصادی قیینچیلیکلر باعث، انتیک بازاری سابق رونقینی قولدن بیریشیگه سبب بولگن.
