کابل بوییچه غربی مملکتلرنینگ سیاسی نمایندهلیکلری و خلق‌ارا تشکیلاتی رسانه نماینده‌لری، مذهبی گروهلر و رهبرلر، انسان حقلریدن حمایت قیلووچیلر، طلبه‌لر، مدنی جماعه‌چیلیک و تینچ‌اهالی گه قرشی سونگی ریجه‌لنگن و ناقانونی هجوم‌لرنی قاره‌لگن.
مذکور سیاسی نماینده‌لیکلر قوشمه بیر اعلامیه ترقه‌تیب ایتیش‌لریچه، طالبان و ترورچیلیک تشکیلاتلری افغانستانده‌گی تینچ‌اهالی تلفاتی نینگ کوپینچه‌سینی عاملی دیر.
اروپا بیرلیگی هیأتی، اروپا بیرلیگی گه اعضا مملکتلرنینگ دیپلماتیک نمایندهلیکلری چک، دانمارک، فنلند، فرانسه، آلمان، ایتالیا، هالند، سویدن، آسترالیا، کانادا، افغانستان بوییچه ناتو نماینده‌لیگی، ناروی، بریتانیا و آمریکا نینگ کابل‌ده‌گی نماینده‌لیگی بو اعلامیه نی قوشمه صادر قیلگن.
مذکور اعلامیه‌ده کیلیشیچه: «بیزلر بو هجوم‌لرنی افغانستان‌لیکلرنینگ قانی گه قرشی دهشتلی هجوم دیب و شونینگدیک اونینگ افغانستان تینچلیک پروسه‌سیگه قرشی هجوم دیمیز.»
کابل بوییچه غربی مملکتلرنینگ دیپلماتیک نمایندهلیکلری بو اعلامیه‌ده ایتیش‌لریچه، افغانستان اهالیسی نینگ جسارت و رشادت‌لری و شونینگدیک بو هجوملر هجومچی‌لرنینگ مغلوب بولیشی گه سبب بولیشی گه ایشانچ‌لری کامل.
مذکور اعلامیه نینگ بیر بولیمیده کیلیشیچه: «بو ایش افغانستان اهالیسی اوچون کوپ اونملی دیر کیم اوزلرینی ایرکین کورسه‌تیش گه کوچلی بولگنلرینی احساس قیلیب و تینچلیک سوزلشوولری خصوصیده اوز توشونچه‌لرینی ارایه قیلسه‌لر و شونینگدیک دواملی تینچلیک و برقرارلیککه قول تاپیش اوچون مذکور پروسه گه شرکت قیلسینلر.»
افغانستان ده غربی مملکتلرنینگ سیاسی نمایندهلیکلری تینچ و دموکراتیک بیر افغانستان ده حیات کیچیریش اوچون، معلومات ایرکین جریانیدن حمایت قیلیش و عصیانچی‌لرنینگ جواب بیریش گه حاضر قیلیش نی هر کیم نینگ فایده‌سیگه دیگن.
کابل ده غربی مملکتلرنینگ سیاسی نمایندهلیکلری و خلق‌ارا تشکیلاتلر، سوز ایرکین‌لیگی و مطبوعات ایرکین‌لیگی حقیده حرکت قیلگن هر بیر کیشی نینگ سعی و حرکتیدن قدردانلیک قیلگن.
شونینگدیک مذکور نهادلر، برچه اوروش تامان‌لریدن افغانستان ده رسانه‌لر و مدنی جماعه‌چیلیک نینگ ایرکین‌لیگیدن حمایت قیلیش‌لرینی سوره‌گن.
مذکور اعلامیه نینگ آخریده کیلیشیچه، غربی مملکتلر برچه افغانستان اهالیسی نینگ سوزایرکین‌لیگی حمایت قیلیش خصوصیده سوز بیریب و شونینگدیک انسان سیورلیک خلق‌ارا قانون‌لری و انسان حقلری خلق‌ارا حقلری نینگ عمل گه آشیریلیشی نی سوره‌گن.
عین حالده مذکور دیپلماتیک نهادلر، دولت دن تینچ‌اهالی، مدنی فعاللر و رسانه‌لرگه قرشی اویوشتیریلگن هجوم عامل‌لرینی تانیب و اولرنینگ جزالنتیریلیشی نی سوره‌گن.
شونده‌ی بیرحالده، کابل بوییچه ناتو ملکی نماینده‌سی استفاتو پونتیکورو نینگ ایتیشیچه، ناتو رسانه‌لر، مدنی جماعه‌چیلیک و تینچ‌اهالی گه قرشی هجوم‌لرنی قاره‌لش گه افغانستان اهالیسی نینگ یانیده توره‌دی.
پونتیکورو بیر توییت یازیب ایتیشیچه: «سوزایرکین‌لیگی و مطبوعات آلغه کیتیشی توغریسیده حرکت قیله‌دیگن کیشی‌لردن قدردانلیک قیله‌میز.»