افغانستان اوچون آمریکا بیرلشمه ایالت‌لری نینگ خاص نماینده‌سی توماس وست، مدافعه وزیرلیگی سرپرستی محمدیعقوب مجاهد بیلن اوتکزگن صحبتی تفصیلاتی نینگ تویتر صحیفه‌سیده ترقه‌تیب و ایتگن که، اسلام امیرلیگی نینگ ایچکی و خلق‌ارا مشروعیتی، افغانستان ده‌گی عیاللر و قیزلر بیلن اوشبو حکومت نینگ رفتاری گه باغلیق دیر.
افغانستان اوچون آمریکا خاص نماینده‌سی، بیرلشگن عرب امیرلیکلری نینگ پایتختی ابوظبی شهریده محمدیعقوب مجاهد باشچی‌لیگیده اسلام امیرلیگی نینگ هیئتی بیلن اوچره‌شیب و صحبت قیلگن.
توماس وست یازگن که، اوشبو اوچره‌شووده افغانستانده انسان حق‌لری اینیقسه عیاللر و قیزلر نینگ وضعیتی یامان‌لنیشی و تینچ و برقرار افغانستان‌ده‌گی عمومی منفعت‌لر خصوصیده صحبت قیلگنلر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه، اسلام امیر‌لیگی‌دن تعلیم و ایش اوچون عیاللر و قیزلر حق‌لری حرمت قایل بولیش‌لری نی ایسته‌گن. وست ایتگن که: «افغانستان نینگ اقتصادی و اجتماعی ثباتی و اسلام امیرلیگی نینگ ایچکی و خلق‌ارا مشروعیتی اوشبو حکومت نینگ افغانستان‌ده‌گی آنه‌لر و قیزلر بیلن رفتاری گه باغلیق دیر.»
افغانستان اوچون آمریکا خاص نماینده‌سی ایتگن که، محمدیعقوب مجاهد بیلن افغانستان ده خوفسیزلیک وضعیتی، داعش گه قرشی اسلام امیرلیگی نینگ «سعی و حرکتی»، ایش خصوصیده یخشی فضا ایجاد قیلیش اوچون آدم‌لر و جاری انسانی بحران‌لر گه خلق‌ارا جماعه‌لر نینگ عکس‌العمل‌لری حقیده بحث قیلگنلر.
ایتیش کیره‌ک که، مدافعه وزیرلیگی سه‌شنبه کونی ۱۵-قوس بیر تویت آرقه‌لی توماس وست بیلن محمدیعقوب مجاهد نینگ اوچره‌شگنیدن خبر بیرگن ایدی. اوشبو اوچره‌شووده ایکی تامان افغانستان مسئله‌لری خصوصیده صحبت قیلگنلر.
مدافعه وزیرلیگی سرپرستی اوشبو اوچره‌شووده آمریکا خاص نماینده‌سی گه ایشانچ بیرگن که «افغانستان تینچ دیر، برچه سرحد‌لر و فرضی نقطه‌لر حفظ بولیب و افغانستان تامانی‌دن دنیا و منطقه مملکت‌لر گه هیچ قنده‌ی تهدید قره‌مه‌یدی و شونینگدیک افغانستان توپراغیدن هیچ بیر مملکت گه قرشی قوللنیلمه‌گن و قوللنیلمه‌یشی ممکن.»
بیزلرنینگ فیسبوک صحیفه‌میزگه باش اورینگ!
مدافعه وزیرلیگی تاکید قیلگن که، اوشبو اوچره‌شوو نینگ آخری‌ده مذکور وزیرلیک سرپرستی توماس وست‌دن افغانستان حدودلری گه حرمت قایل بولیش‌لری نی ایسته‌گن.
ایتیش کیره‌ک که، محمد یعقوب مجاهد جاری هفته شنبه کونی ۱۲-قوس، حکومتی بیر هیئت ییتکچیلیگی‌ده و رسمی بیر سفری‌ده، بیرلشگن عربی امیر‌لیک‌لر گه سفر قیلگن.
مدافعه وزیرلیگی مذکور وزیرلیک سرپرستی نینگ سفری‌دن مقصد، بیرلشگن عرب امیر‌لیک‌لر رهبری و اوشبو مملکت‌ده‌گی افغان‌لر بیلن اوچره‌شیش و اسلام امیرلیگی بیلن خلیج مملکت‌لر رابطه‌لری نینگ مستحکم‌لنیشی عنوان قیلگن.
