پاکستاننینگ کابل گه اویوشتیرگن هجوملری عاقبتیده جبرلنگنلردن قطاری، اسلام امیرلیگی و پاکستان دن تینچاهالینینگ حمایه قیلیشلرینی سورهگنلر.
پاکستاننینگ هوا هجومی نتیجهسیده قولی یرهلنیب و حاضر ایمرجنسی کسلخانهسیده بستری بولگن کابلنینگ پلچرخی منطقه یشاوچیسی محمدادریسگه کوره، اوتگن کیچه یوز بیرگن هجومده، اوییگه هم زیان ییتیشگن. «اوییمیزنینگ شیشهلری سیندی؛ باشده برچه کیشینی قولدن بیردیک دیب توشیندیک. هر کیم ییغلهب و هر تامان قاچر ایدی. اهالینینگ جبرلنمسلیگی کیرهک.»
شونینگدیک ایمرجنسی کسلخانهسیده بستری بولگن پلچرخی یشاوچیلریدن باشقه بیری فریدالله (مستعار آت) نینگ ایتیشیچه، پاکستان آرقهلی اویوشتیریلگن هجوم نتیجهسیده، قولی و یوزیگه زیان ییتیشگن. «اوروشلرده اهالینینگ حمایه قیلینیشینی سورهیمیز؛ اهالیدن اسلام امیرلیگینینگ افغانستان دن دفاع قیلیشی اوچون قوللب-قوتلشینی ایستهیمیز.»
چهارقلعهی وزیرآباد یشاوچیسی رحمتاللهنینگ ایتیشیچه: «اوروشدن بیزار بولگنمیز؛ اوروش بدبختلیک دیر؛ اسلام امیرلیگیدن قیینچیلیکلرنینگ مذاکره یولی آرقهلی حل قیلیشلرینی سورهیمیز.»
پاکستان و اسلام امیرلیگی کوچلری آرهسیده توقنشوولر اوتگن کیچه باشلهنیب و حاضرگچه دوامی بار.
