اسلام امیرلیگی گه قرشی سیاسی و بشر حقلری سیمالریدن بیرقطاری، سونگی اوچ کون ده، افغانستان خصوصیده ویانا ییغیلیشی اوچینچی کونیده بیر ییرده توپله‌نیب، افغانستان ده‌گی مسئله‌لرنی محاکمه قیلگنلر.
ویانا ییغیلیشی ده اشتراک ایتگنلر، اوشبو ییغیلیش یکونیده ترقه‌تگن بیانیه‌لریده افغانستان ده‌گی وضعیت اوزگریشی اوستیگه تاکیدلب و بوتوغریده بیرلشگن ملت‌لر تشکیلاتی رولینی مهم دیگنلر.
بو ییغیلیش ده اشتراک ایتگنلر، بیرلشگن ملت‌لر تشکیلاتی دن افغانستان ده سیاسی وضعیت اوزگریشی گه قره‌ب سرپرست حکومت بیلن تعامل قیلیب و بو مملکت ده اوزگریش کیلیشی اوچون عملی اقدام قیلیشینی سوره‌گنلر.
بیزلرنینگ فیسبوک صحیفه‌میزگه باش اورینگ!
مذکور ییغیلیش ده اشتراک ایتگنلردن عالیه ییلماز سلام‌وطندار بیلن اوتکزگن صحبتیده ایتیشیچه، بیرلشگن ملت‌لر تشکیلاتی بو ییغیلیش همده ییغیلیش ده بیان قیلینگن خواست‌لر گه اعتبار بیریب و طلب‌لرینی عملی قیلیش گه امیدوارلیک بیلدیرگن.
خانم ییلماز گه کوره: «ویانا ییغیلیشی، حاضر دنیا و جهانی قدرت‌لر آلدیده مهم بیر ییغیلیش دیر، بو کبی ییغیلیش‌لر دن سیاسی بویوک چتر شکللنیش گه امیدوار میز، چونکه دنیا نینگ ایشانچی گه کوره، افغانستان نینگ حاضرگی حاکمیتی گه باسیم کیلتیریلمسه اولر مذاکره گه تیارلیک کورستمه‌یدیلر.»
عالیه ییلماز نینگ کوپه‌یتیریشیچه، ویانا اوچ کون‌لیک ییغیلیشیده اشتراک ایتگنلر، افغانستان نینگ سیاسی تنزل و حاضرگی وضعیت دن قوتقریش اوچون «یول خریطه‌سی» حقیده بحث ایتگنلر و یقینده اوشبو یول خریطه‌سی، دیموکراتیک افغانستان گه قول تاپیش اوچون شریک قیلینیشی ممکن.
او نینگ کوپه‌یتیریشیچه: «حاضر بیر یول خریطه‌سی نظرگه آلینگن، بو یول خریطه‌سی یقینده شریک قیلینیشی ممکن، تورلی گروه‌لر حضوری بیلن اوشبو یول خریطه‌سی اوستیگه ایشلنگن.»
عین‌حالده، دنیا اینیقسه بیرلشگن ملت‌لر تشکیلاتی سرپرست حکومت نی حاضرگچه تن آلگن بولمسه ده، بیراق اوشبو حکومت حاکمیتیده افغانستان بیلن تعامل قیلماقده.
بیزلرنینگ «ایکس» ترماغی ده هم تعقیب قیلینگ!
عین‌حالده، ایش بیلرمان‌لر افغانستان ده‌گی وضعیت و بو مملکت بیلن دنیا همجمعیت نینگ تعاملی اوزگریشی گه دایر بو کبی ییغیلیش‌لر نتیجه بیریش گه ایشانمه‌یدیلر.
سیاسی ایش بیلرمان ولی فروزان نینگ فکری گه کوره: «هیچ بیر مملکت افغانستان ده حربی اره‌لشیشنی ایستمه‌یدی، باشقه تاماندن اسلام امیرلیگی هم مذاکره بیلن هیچ کیمنی قدرت گه شریک قیلیشنی ایستمه‌یدی، شونی اوچون بو کبی ییغیلیش‌لر نتیجه بیرمه‌یدی.»
ایتیش کیره‌ک، سرپرست حکومت رسمی‌لری جمله دن مدافعه وزیرلیگی سرپرستی محمدیعقوب مجاهد و تشقی ایشلر وزیرلیگی نینگ سیاسی معینی شیرمحمد عباس استانکزی، بوندن آلدین قطار مملکت‌لرده اسلام امیرلیگی گه قرشی سیمالر نینگ ییغیلیش‌لری گه مناسبت بیلدیریب، بو ییغیلیش‌لرنی افغانستان و حاکم توزوم گه قرشی دیب و میزبان اولکه‌لردن بو کبی ییغیلیش‌لر گه میزبان‌لیک قیلمسلیک‌لرینی سوره‌گن ایدیلر.